【魚樂無窮】跟勢炒股有乜問題？（唐牛）
上星期提到，開始有資金湧入高息股，過了一星期，形勢更加明顯，這要拜美國加息預期降溫所致。點解會突然降溫？油價急跌似乎起了關鍵作用。無論如何，高息股重新搶回避險功能，對資金調配絕對係好事。眾多高息股中，暫時最多炒作催化劑的是領展（823），下周除
淨後相信會重啟回購，出售資產亦隨時可起動，難怪本星期走勢一枝獨秀。
近日鍾情炒細價股，亦有在不同專欄與大家分享，卻惹來挑機留言，指唔應該叫人買細價股雲雲。講咗無限咁多次，買股票最重要係時機，騰訊（700）係優質股啦，但400蚊入場可以輸到仆，相反來說，細價股也有飛升的一天，只要做好功課，捉中趨勢，一樣easy win。在我而言，每一隻股票、每一種投資工具都有佢嘅存在價值，如果咁都唔明，我建議你熄機合埋眼月供盈富基金（2800）吧。
「點樣先見到趨勢呀？」最簡單就係睇50大升幅榜，如果趨勢出現，一定會見到爆升股有共通點，例如全版都係某個行業的股份，如建築股、影視股等。至於呢排最火熱的一定係半新股，如果你係炒鬼，必定會認同，不過要留意，昨日開始有名不經傳的半新股起動，意味就算唔係水尾，都可能預示要唞唞氣。
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com
