智取大市 - 晉佳 2019年3月6日
智取大市：疑惑市況坐定更好 - 晉佳
港股各個板塊輪流炒上，只要行業基本面喺所有行業股份處於中遊以上水平，遲早有得炒，投資者坐得穩就能夠把握到升浪。 資料圖片 適中字型 較大字型
周一道指一度跌成400點，喺唔少人驚緊大市調整之際，港股周二咪又係炒股唔炒市，各個板塊輪流炒上。1月極度跑輸大市嘅生科股，近排都輪到發威，證明只要行業基本面喺所有行業股份處於中遊以上水平，都遲早有得炒，對持股有信心，坐得穩就能夠把握到升浪。
要炒出炒入，然後捕捉每一期唔同板塊嘅升浪？冇話唔得，但近期強勢股向下假突破、然後見底回升屢見不鮮，見弱勢沽出博調整？仲想低位再撈，亦容易因小失大。
其中一個例子係風電股金風（2208），喺2月22日公佈業績快報，喺2018年唔同季度業績表現均偏向平穩，總結全年純利升半成，股價之後交易日爆升7%，點知升到10蚊有阻力，股價之後連跌兩日跌破業績前水平，理應係利淡訊號，然後股價反而連升4日，正式向上突破埋10蚊阻力。
中線嚟講，無論係光伏定係風電，前景都不錯，金風2018年市盈率都係10倍鬆啲，龍頭級別股份有條件再升，質地唔懷疑。嚟緊未必直升機咁升，但大漲小回趨勢機會高過唔少周期性股份，可以坐定定。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
