智取大市 - 晉佳 2019年8月21日
【智取大市】最熊預測不實際 - 晉佳
唔少強勢股形態似跌唔落，投資者要入市，建議向通脹受惠消費股及未來概念股入手。 資料圖片 適中字型 較大字型
上證綜指舊年1月曾經跌至接近超長線指標250月線，而指數過往每逢跌至接近呢條線都會成為支持，其後一兩年往往係大升市，包括2007年大牛市、2009年海嘯後大反彈、2015年港股大時代，鋪鋪爆升。當指數太過低殘，悲觀到極之時，就可能由一個極端，向另一個方向進發。
之前講過，恒指低位時市賬率低過1.1倍，講緊成份股普遍有長遠盈利能力，即使香港情況幾差，牌面再衰嘅本地地產股都有能力食老本，充其量賺少啲，唯一大跌劇本，就係環球樓價大跌，令資產值急速萎縮，但喺美國繼續減息，資金寬鬆環境下，係咪咁快大跌都成疑問，呢一刻係要逃亡？Cash is king？定係準備下一個機會？小弟偏向後者。
你話香港局勢好大劑？但港股嘅香港業務比重最多得兩成幾，走勢的確不是香港局勢可以話事，況且示威者算得上世界級和理優，真心以為佢哋會隨時發癲殺人放火的人，睇怕對港股形勢都未理性掌握吧。
港股反彈過了幾日，去到指數整固時，依然有個別消費股上升，唔少強勢股形態似跌唔落，相信後市暫時係少數股份跑贏，策略基本不變，買通脹受惠嘅消費股及未來概念股。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
