剛性需求支持樓價企穩
「五窮六絕七翻身」，但今年初出現新冠肺炎疫症下，不單止影響全球經濟，甚至奪去寶貴生命。在疫症爆發初期，香港各行各業受影響，加上限聚令等實施，零售業餐飲首當其衝，面對前所未有的衝擊下，裁員凍薪比比皆是。幸而香港疫情發展轉趨穩定，市場情緒轉好，樓市在5月時成交急速反彈，
除刺激二手表現回升外，新盤成交量更錄得創新高，打破「五窮月」局面。6月份樓市仍延續旺勢，於上周六(6月27日)發售的將軍澳日出康城第8期項目SEA TO SKY，即日幾近售罄沽出456夥，成績相當理想，反映市場有實質需求。
雖然近期二手市場放盤增多，放盤量達2.16萬夥，較去年同期增39%，不過，從整體樓市氣氛未見明顯轉壞，仍有買家追價、搶貨情況。如早前沙田好運中心單位開放睇樓，即時吸引逾10組客人迫滿走廊等睇樓，單位放盤僅一天，即以548萬元成交，較業主開價搶貴33萬元。而荃灣綠楊新邨極高層兩房單位，實用面積約445方呎，業主早期買入，今次稍作調低叫價，最終以698萬元沽出，業主持貨23年升值近兩倍，反映市場購買力持續。
現時一手及二手市場主要有本地客支持，觀乎發展商傾向採取「先量後價」策略，以貼地價開售新盤，成功將潛在客戶群牽引出來，令積壓購買力重投市場。至於二手市場，雖然放盤源增多，但值得留意業主的心態，從近期成交的個案所見，急於大幅劈價求售的個案甚少，不少成交個案只屬於輕微議價即獲承接，加上大環境是息口持續低企，有助細價樓業主換樓改善生活質素，在剛性需求下，故相信短期內樓價出現大跌的機會不大。
作者為世紀21香港行政總裁
文章轉載自「AM地產」facebook:
http://bit.ly/2wls4EF
AM地產 - 吳啟民 舊文
來源 source: http://www.am730.com.hk
