士佳說 - 張士佳 2021年1月28日
【#士佳說 】張士佳：避跌方法湊效
【#士佳說 】張士佳：避跌方法湊效
上星期做左好多野，其中兩件事對大家較重要。
我上星期三為學生出了一條突發視頻，講左好多避險時機，同埋幾時要出力出貨，跟住星期五接受Sun Channel訪問，一開始就散，大家幾時落車，由於大眾粉絲唔識我上堂既定義，只有教一個節衷方法：連續兩日不創高就落車，雖然無學生版的精準，應可幫到手，結果星期二學生版的已確認了，我出得多，隨後昨日大眾版也確認，聽話的學生或粉絲，應可避過這次大調整，否則見到今朝納指跌600，tsla 績后不給力，而早前熱炒的美股大都跌過滿江紅，咪話唔心寒。
世界愈來愈瘋狂，一隻GME攪到天翻地覆，沽空的基金被股民突襲要補倉，要沽其他倉，都算少見。我早前都在此寫GME出了反常，實挾，但都估唔到$45挾到$385，側聞市場一位貓生因沽空GME(short call)一夜輸八位數，本人唔識貓生，但見佢寫嘢有曬紋路，照計征戰多年唔會大手Naked Short，我自己昨晚都在$298 short了，志在支持一下，希望股市回歸正路，貓生亦無事。
呢次風波風眼在美國，港股應無咁波動，但不嬲港是提款機，受累基金沽港股，帶動投資者獲利推低大市並唔出奇，尤幸昨日北水有大手承接，跌幅應少於美股，其實昨日我都有吼低出手撈，每逄齊齊跌，我都會「攝」一些大折頭盤等，跟風投機者無端端斬倉來執平貨，昨日都買得幾低，但到收市已無利可圖，逐將唔賺的全出，試想想折頭買回來等一天都唔賺，買盤唔積極，應仲有得跌，今日我都會做同一動作測市，但scale會再細些。
好多人都會問今次會跌到邊，係咪牛已玩完？首先，牛未玩完，msci唔執行剔出令，對港股不錯，應該冇美股跌得咁勁，但我未知會跌到邊，照理唔應低於年頭低位27107太多，即27107至29000之間，有成二千點，這預測當然無用，所以我話未知，要等跌得咁上下，再等市場力量去提敲才能去猜，不過猜是猜，最重要是到時撈咩。
我喜愛的協鑫有走位，到時一定會吼，其他新能源跌得比人早，可能跌完都比人早，爸爸回來，應已見了底；醫療器材才剛發力，心通又上市，應該有一定抗跌力，我喜愛的氫，尋日連#2338都發力，氫不容忽視，講開氫，我在Sun Channel叫博的NKLA幾日已升近五成，call更是幾倍以上，見到有學生昨日30時食糊，非常安慰，升到咁已有交代，大家可食半留半了。
士佳說 - 張士佳 舊文
來源 source: http://skycheung.weebly.com
