操盤手劄記│5萬買6隻股 個個月有息收（割柑人）
操盤手劄記│5萬買6隻股 個個月有息收（割柑人）
8月係上市公司業績高峰期，投資者除咗留意營業額、純利呢啲大數，亦會留意派息，尤其「好息之徒」。
8月係上市公司業績高峰期，投資者除咗留意營業額、純利呢啲大數，亦會留意派息，尤其「好息
之徒」。揀收息股，一字記之曰：穩，業務要穩健、派息要穩定。穩字當頭，多數係公用股同收租股。
美股、外匯、加密貨幣免費即時報價，自選投資組合獲取相關新聞提示。
不過，一般公司無規定要派息，若要留錢發展，隨時唔派。想穩陣啲，可考慮房產信託（REIT）或商業信託（SS），前者規定將至少90%所賺派息，後者雖無硬性規定，但多自願將100%所賺派發。喺現今低息環境下，相當吸引，若股價上升，更可「財息兼收」。
以股息為主嘅投資策略，由派息比率、股息收益率、股息增長率三大要素組成。要注意嘅係，派息比率同股息率唔係最重要，關鍵係「可持續性」四個字。對於長線組合嚟講，股息增長比起另外兩個因素更重要。
REIT+SS+藍籌 回報近5厘
買收息股組合，通常係穩陣一族或銀髮一族，想用股息嚟增加現金流或幫補生活費。不過，大部分港股都係半年或一年派息一次，對於退休人士，未免不足。之但係，港股之中，其實亦有6隻按季派息嘅股票。當中，藍籌股有3隻，包括中電控股（002）、恒生銀行（011）、中國生物製藥（1177），本來滙豐控股（005）都係，但上年4月宣布暫停派息，今年先至局部恢復；非藍籌股亦有3隻，包括宏利金融（945）、港通控股（032）、電訊數碼（6033）。
想個個月有股息收，可按派送時間自製收息股組合，穩穩陣陣、簡簡單單，例如買兩隻REIT、兩隻SS、兩隻藍籌，已可做到：領展REIT（823）12月至1月、7月至8月派送；置富REIT（778）2月至3月、8月至9月派送；港燈SS（2638）4月、8月派送；香港電訊SS（6823）5月、9月派送；恒生銀行（011）3月、6月、9月、11月派送；中海油（883）7月、10月派送。呢6隻股各買一手，以現價計，成本53,950元，參考過去12個月合共收到股息2,632.44元，回報近5厘。
收息股+期權 可自製長糧
想稍為進取些少，可保留上述一隻REIT—置富、一隻SS—港燈、兩隻藍籌—恒生、中海油，加入香港寛頻（1310）、偉易達（303），前者1月、5月派送，後者7月、12月派送，同樣做到個個月有股息收，而且各買一手，以現價計，成本47,730元，比上述組合少；參考過去12個月合共收到股息2,723.31元，回報5.7厘，比上述組合高。不過，回報較高，意味風險亦較高。
以上例子僅供參考，大家不妨根據個人喜好，揀收息股自行組合，為退休自製長糧。如果手頭較為鬆動，可買更多股數，收取更多股息；手上有貨，又可做備兌認購期權（Covered Call），賺期權金。每月收股息之餘，再收期權金，既可提高投資回報，又可增加被動收入。
割柑人
曾任財經記者、編輯，在本港報章撰寫財經專欄逾十年
www.fb.com/hkstockpicker
本欄逢周一刊出
操盤手札記 - 割柑人 舊文
本文作轉載及備份之用 來源 source: http://hk.finance.yahoo.com
