士佳說 - 張士佳 2021年8月27日
【#士佳說 】張士佳：焦點唔多
【#士佳說 】張士佳：焦點唔多
反彈過後，港股未有方向，冇乜嘢寫，雖然市傳中美金融圓桌會議在秋季召開，官媒也有出聲，指共同富裕非殺富濟貧，但似乎對市場影響甚微，港股昨日仍較向弱勢。
人間煉獄阿富汗傳來爆炸（無論誰是誰非，希望減少生靈塗炭)，又冇見外期大殺落去，暫時只屬反覆格局。
前日做定功課跟進高開高走的個股，心裏有四隻玻璃股為目標；福萊特玻璃#6865，信義玻璃#868，中國玻璃#3300及洛陽玻璃#1108，四隻揸住左三隻，仍全日全神貫注即市加注機會；持有中的福萊特玻璃#6865開市已經gap up，信義玻璃#868亦從低位拉升得好快，而且已經升了一段距離；故決斷加注中國玻璃，幸而玻璃股比大市為強，都能陽燭於高位收市，望能維持強勢多幾日。
鋼鐵股逆市跑出，馬鋼#323半年勁賺，全日升最勁；鞍鋼#347，重慶鋼鐵#1053都炒高。中國鋁業#2600，21年上半淨利30億元，同比增長85倍，非常誇張。同時帶動資源類江銅#358、五礦資#1208、洛陽鉬業#3993等造好。上面嘅股只持有兩隻，今日諗住會加一隻，勢變量變股，得幾隻大家自己估下啦。
不過當中最爆的應該係金川#2362，昨日下午lunch時段傳出寧德時代有機會入股，我心諗入股又點會事前爆響口，貪個入股價未貴過咩，當中梗係有好多陰謀論喺腦海，但唔理咁多，午飯回來炒一轉先，由1.09買到1.33先買到，由於唔信賺兩成走咁半，既然走咗半，封咗蝕本門，剩低升到兩蚊都唔走，博自己估錯，真係有咁大隻蛤乸，但事後大家都知唔會有得咁樣隨街跳，跌返落嚟1.3先至走，賺得半注。但係呢件事未完，亦反映咗同行有留意價值。
另外前兩日文章提到留意緊一隻消費股就係牙科#3600，此股早前發盈喜，有指今年牙科圈情況更比去年下半年好，呢啲似乎都係藉口，陽穿$10有權炒一炒。
另外有隻化工股，一直唔啱我步伐，八月初出業績炒咗一炒，隨後跟隨大市回落，其位於珠海市的鋰電池電解液添加劑新廠房已於近期開始量產，首批產品已陸續交付。量產增加，預期長遠業務持續上升，陽穿近幾日頂，又可以炒一炒。
市咁唔好，有得炒一炒賺下錢都幾唔錯。
士佳說 - 張士佳 舊文
本文作轉載及備份之用 來源 source: http://skycheung.weebly.com
