大茶飯│長實投地，誠哥又中？（青冰）
大茶飯│長實投地，誠哥又中？（青冰）
誠哥出手精準，相信戰友們肯定知道，廿年前千億元賣橙，幾年前出售中環中心，接貨者都係一殼眼淚。
誠哥出手精準，相信戰友們肯定知道，廿年前千億元賣橙，幾年前出售中環中心，接貨者都係一殼眼淚，最有趣係每次做完刁，總有評
論者叻唔切，例如上次有評論話誠哥賣中環中心錯價，睇錯市，長實光輝不再，最後結果係點大家有眼睇吧。誠哥退居幕後，但集團出手仍準，可能因為Victor的印象麻麻，好多時令大家忽略了一些重要訊號，錯失良機。
下載Yahoo財經APP
美股、外匯、加密貨幣免費即時報價，自選投資組合獲取相關新聞提示。
還記得在2月時，長實以102.8億元中標啟德地皮，屬當時市場上限，翻查記錄，對上一次以逾百億元投得官地，已經是2011年投得中半山波老道地皮。二月時港股正值瘋狂旺市，新股熱爆，科網股飛天，恒指一度高見31183點，所以市場對長實成功投地這消息，迴響不大，因為大家都專心炒股，當時個個都係股神呀，但原來長實當時對地產市道投下信心一票，是有先見之明。
積極程度媲美2011年
先睇中原城市領先指數，2月時約176點，而指數在本月初創歷史新高，高見191點，半年升了8%；再睇埋地產股的表現，長實（1113）在2月時股價約在40元，現時企穩50蚊樓上，半年累升25%，當中仲未計及股息，而其他大發展商表現都唔差，恒地（012）半年升一成，新地（016）及新世界（017）就較一般，半年來只是持平，點解話持平都唔算差呢，因為同期恒指跌了兩成，當中ATM跌到反艇，今星期才有一個像樣的反彈。
長實上周又投了一塊元朗細地，過去年半已經出手三次，有傳媒做過統計，積極程序可媲美2011年，當年曾買入六幅地皮。長實釋出的訊號似乎甚為明顯，但作為港股投資者及香港市民，近月受著眾多不利消息所困擾，係比較難理解及認同長實的看法，但大孖沙的舉動，始終是值得尊重，青冰自問沒勇氣搞Victor隻長實，只會作壁上觀，不過年底會再審閱地產股及中原指數的表現，睇嚇係咪「誠哥又中」啦。
青冰
http://www.fb.com/chingbing888
本欄逢周五刊出
大茶飯 - 青冰 舊文
本文作轉載及備份之用 來源 source: http://hk.finance.yahoo.com
