士佳說 - 張士佳 2021年9月10日
【#士佳說 】張士佳：唔覺跌六百
【#士佳說 】張士佳：唔覺跌六百
尋日預咗港股會調，所以題目都用調整市，但升六百點用左四日，尋日就一日跌晒 ，昨日有寫到騰訊都係要回一回，但冇諗過啲8%咁多，股市最怕的就是政策風險，約談當中再挾集住很多壞消息，英雄聯盟要延後推出；尾市更傳出將暫停審批新網絡遊戲消息，雖然後來網易出去來澄清，但已令好了一排的科技再受到監管的恐慌，尋晚上堂同學生講，跌，就係機前有危四個字咁簡單，早兩日嗰枝陰，已有端倪，現在出埋壞消息，更加顯得突破$529係見底了。
有睇士佳說既朋友，見到我寫嘅股，唔會覺得個市跌600點，其實上堂都不斷有講，現時集中於炒行業不太受政策風險影響，估值偏低嘅板塊，既然市況開始調整，投資者會開始套利，已經炒到非常高位置的目前再高追風險已高，不如做下功課，搵下仲有冇在相對低位有一定吸引值博率的個股，當然買入前最好要控制倉位數目，食一隻換一隻先夠穩陣。
講咗#316 先，好多同學都知道呢隻我重注，尋日去到3:49 ，我講：要走了，結果收市後折讓配股，完全配合劇情，時間剛剛好，冇白白浪費研究咗咁多年。
一隻配股又唔係咁大影響，除咗航運股，市場資金繼續留戀週期板塊，主要集中在鋼鐵、煤炭、水泥、燃氣、清潔能源、 核能等。資源股先最勁，差不多所有鋁銅鐵鋼煤燃氣，隻隻都有得升，連超級弱的中海油#883都升埋。
以下係團隊其中一啲功課以及一啲我揀比佢哋嘅功課（我？睇圖㗎咋，淨係知升跌，識鬼Fun D man圖）
#3690: 汽車也受到新政策影響，首先網約車平台需降低抽成比例，美團是受累之一， 如果咁都能夠陽燭突破267.8的話，見底啦！
大宗商品：鋁價隔晚創13年新高；倫敦鋁價更突破2800美元，注意中國宏橋#1378剛被炒高，見陰燭走位。
煤：內地動力煤價創新高，突破每噸一千元人民幣，注意中煤#1898及中國旭陽#1907後來居上，煤價升，開礦設備受惠，穩定高效嘅開礦設備，係減低資源成本同加速開採進度嘅關鍵，龍頭#631三一國際，5-7月回調後就係咁衝歷史頂。過去半年勁賺49.8億，同比增長30.6%，佢嘅智能採煤機可以做到每月10萬噸煤產量，效益冠絕全國。公司嚟緊會繼續投放資金做研發，包括機器人、車無人駕駛、支架電液控等等。尋日咁嘅市都唔跌，但就做出長上影，等搵到支持值得關注，同理，同板塊重有克服緊250天線嘅#564鄭煤機，陽破頂博追落後。
綜合資源採礦及基建股：中國中冶#1618這隻已被市場睇好隨時炒；還有前幾日提過嘅弱勢股中信股份#267上半年利潤強勁反彈，同比增長64%，之前做了阻力整固一下，相信仲未炒完，升穿10蚊筆者會再博。
基礎鐵路建設：基建三寶都值得持續跟進，#1800中交建，#390中國中鐵、#1186中鐵建都是是估值便宜、正在復甦及國策友好的建築基建股，仲有隻中國建築#3311都整固完上反嚟，如果嫌市場太複雜唔知買乜，揀一兩隻嚟坐下都不錯。
CRO:
#2126旗下瑞基奧崙賽注射液獲國家藥監局批准上市
水泥：水泥價格整體繼續處於上漲中，全國水泥價格指數最新為155.02，短短一個月升左約一成，同時呢類股份估值偏低，有分析師就指基於多地區開工率提升，水泥市場需求迅速恢復，加上夏季限電及錯峰生產等原因，預計在10月、11月進入需求旺季後會出現一波反彈上漲行情。留意水泥漲價主要集中在東北、華東、華中和西南等地區。亞洲水泥#743炒緊落後
化肥股：發改委計劃擴大化肥鐵路優惠運價政策，促進化肥生產流通，支持農業生產，帶挈一眾化肥股造好，心連心化肥1866抽升9%；乜原因都只係原因，我最睇重嘅係馬雲終於出返嚟，而佢出返嚟，首先去嘅係農場，馬師傅精甩邊，即係話俾你聽，農業係不單止唔監管仲會扶持囉，你見到做魚農畜牧#43卜蜂，計埋派息創新高就知道啦！#38積弱咁耐，我都會望多兩眼。
士佳說 - 張士佳 舊文
本文作轉載及備份之用 來源 source: http://skycheung.weebly.com
