中環在線：李耀榮加盟東盛寶Baby市旺想發圍 - 李華華
設計對白
海通國際(665)前聯席董事總經理李耀榮(William)舊年11月尾離開，去?一轉加拿大探女後，踏入2013年即刻有新動向，加盟東亞銀行(023)旗下東盛(經紀)集團，幫東亞老闆李國寶發大來搞。
William轉工真係轉得好著時，今年開首十日、八日，港股已經牛到不得了，每日平均成交七、八百億，坐小巴、地鐵，不時聽到身邊?專業散戶?住電話噴曬口水咁同人講?巴，好似唔入市就走寶咁。
海通舊臣再蹈股海
William都係呢個星期先正式返工，佢話原先諗住轉行，唔做金融業，但好多行家知佢冇做海通都向佢埋手，咁?東盛阿頭係佢多年老友，盛情難卻，咁又跌番落股海?。
東盛前身係工商東亞，98年由工商銀行(1398)同東亞銀行一齊成立，08年工商東亞因?02至04年期間涉違規而被證監會罰款3800萬，翌年東亞就用3.72億向工行買番工商東亞75%股權，變成全資擁有，工商東亞前年改名東盛，但發展比較低調。
William?金融界廿幾年，搵得佢加盟，應該係有心大搞，William都話，東盛遲嚇會做多?宣傳推廣，除?證券、期貨，外?、機構投資者都會做，家陣個市旺番曬，應該有得做！一眾股民都希望個市keep住旺啦。
李華華
mailto:LiWaWa@AppleDaily.com
上一則: 向長實子公司追款市建局前主席劉華森作供
下一則: 中環在線：國泰主場蛇年吉日啟用 - 李華華
中環在線 - 李華華 舊文
