復甦添機
2013/3/14 9:24:39
網誌分類: 經濟
專家信唔過。唔少專家、包括末日博士魯賓尼都預期美國今年開始向富人徵稅，勢必打擊美國零售業，但昨天公布零售數字，1、2月的零售增長未見回落，反而穩步上揚，1月零售額較上月增長0.2%，新公布的2月增長更明顯超出市場預期，大增1.1%，係過去五個月新高，而市場估計只係增加0.6%。
零售增長，主要原因係美國人購買了更多汽車，儘管美國政府由三月開始啟動削減開支機制，不過市場估計白宮及國會最終會達成協議，對零售消費唔會造成大殺傷力，預計美國今年第一季度消費者開支將穩中有升。
零售數據理想，提振了市場對美國經濟的信心，搞到股市硬淨，美元上升。今年年頭大家都投注美國經濟復甦，但也怕如2011年那樣，只是詐糊，但如今零售數字強勁，令人相信美國經濟復甦機會上升。富國銀行投資策略部門主管Ron Florance表示，「零售數據非常好，反映消費者顯出難以置信的韌性，克服了華盛頓政治失靈與薪酬稅上漲等障礙。」而OptionsXpress公司高級副總Joe Cusick認為美股昨日美股先跌後升，係與觀望資金的入場有關，投資者正在觀察市場並找尋機會，股市跌少少就成為唔夠貨者補貨的機會。
杜指收市微升5點，收14455點，連續第九日上漲，係16年以來，最長的連續上漲。標普500指數漲2點至1555點，逐步逼近歷史高位的1576點。
美股不斷創新高，牛氣沖天，不過，有金磚之父之稱的高盛資産管理公司董事長奧尼爾，對美股前景轉趨謹慎，認為美股除了即將進入傳統的五窮六絶淡季(5到9月通常為股市傳統淡季)，從技術上分析，美股周期調整市盈率(CAPE─cyclically adjusted price-to-earnings ratio)也已偏高。
奧尼爾表示，「大部份股票已經升得好高，從CAPE角度分析，已經很難在股市中撿到便宜貨。」高盛數據顯示，目前美股CAPE約為24倍，遠高過歷史平均的18.7倍，與其他主要股市比較更高，例如德國及英國，分別為13倍及12倍。另外，摩根大通美首席策略師Thomas Lee亦唔睇好美股後市，預期美股將出現5%的修正，不過前題係短期內經濟數據變差。
不過，有人睇淡，亦有人睇好，Principal Global Investors的總裁Jim McCaughan卻認為美股尚未遭到高估，預期今年會上漲20%，美股目前已累積升幅已有10%，即係話，年底前仍有10%的攀升空間。
我就信高盛多?齱C
陸羽仁
回應(4) 我想回應
陸羽仁 BLOG 舊文
