中環在線：辭嘉里主席轉掌香格里拉郭孔丞要細唔要大 - 李華華
■郭鶴年向來低調，就算入飛支持新股，都絕少撐場。
「糖王」郭鶴年兩位公子?嘉里建設(683)同香格里拉(069)兩間上市公司大執位。長子郭孔丞前日辭去嘉里主席兼執董後，香格里拉噚日就宣佈，郭孔丞重返香格里拉做主席兼執董，胞弟郭孔演辭任主席，只做非執董。
郭孔演健康一度欠佳
郭氏父子相當低調，上市公司?活動極少現身，向分析員同傳媒講解業務?工作，主要交由行政人員負責，早年新股市場大熱，唔少投資銀行搵郭鶴年入飛做基礎投資者，令佢個大名經常?報紙同招股書曝光，但唔似其他大孖沙，佢本人從未現身新股推介會撐場。
香格里拉執董錢滿都噚日?業績會上透露，郭孔演今年4月開始放大假，的確係因為身體有少少問題(health issue)，但就拒絕透露詳情或者現時身體狀況，只係話郭孔演辭任主席後，將會專注返家族生意。
至於郭孔丞，錢滿都指佢做過香格里拉主席，公司上下都歡迎佢回歸。無論大佬還是細佬做主席，未來公司發展路線不變。
■郭孔丞照睇該係郭鶴年繼承人，奇怪唔睇曬兩間公司。
■次子郭孔演唔做香格里拉主席，會專注其他家族生意。
市場感到奇怪?係，嘉里同香格里拉?市值分別係468億同373億元，前者份量較重，亦因為係地產股，較受市場關注，59歲?郭孔丞，本身係上市公司大股東嘉里控股主席兼董事總經理，照睇應該係郭鶴年?繼承人，點解佢唔可以做曬兩間上市公司?主席，嘉里要畀老臣子黃小抗做主席呢？
李華華
mailto:LiWaWa@AppleDaily.com
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 廣州產車目標縮三成
下一則: 中環在線：蘇富比秋拍劉野《劍》有睇頭
中環在線 - 李華華 舊文
