智取大市：安東油田將逢第二春 - 晉佳
■安東油田將於下周二公佈去年業績；圖為安東油田主席羅林。資料圖片
晉佳2012年愛股安東油田(3337)，雖然已經係舊愛，但係近期股價走勢有轉強跡象。事實上，論基本因素，受國策支持兼且增長模式越?越似樣，似乎有條件遇上第二春。
安東舊年5月股價見頂，呢大半年內，股價曾經由高位6.87元，急回到去9月低位4.16元。
不過其後慢慢出現一浪高過一浪?走勢，睇日線圖?話，股價已經連續一個月守穩保歷加通道中軸，似係醞釀升勢而未爆發。
安東將?下個星期二公佈舊年業績，而睇番佢第三、四季營運數據，唔算好突出，業績好難形成強大憧憬。如果業績麻麻，股價調整，更加可以成為低吸持有?機會。
去年第四季表現理想
睇番安東第三季營運數據，油氣田開發技術服務共完成439井，較去年同期?478井次下降39井次?工作量。市場當時憂慮安東增長不再，股價曾經一連兩日急跌最多兩成，不過股價亦因而見底。
不過去到第四季，安東主營業務油氣田開發技術服務共完成633井次，較去年同期?494井次增加139井次?工作量，回復28%增長。
舊年第三季表現麻麻，唔排除係中石油(857)貪腐案帶?影響，當然整個油氣行業冇可能因為貪腐案而停頓，去到第四季，安東數據好快回復正常。
上述?數據睇到投資者矇查查，安東就話今季開始會改變披露方式，將在手合同預計帶來?工作量同埋新增合同預計帶來?工作量，放棄用井數量計算。
呢個方式應該更清楚表達收入表現，另一方面，選擇呢個時候改變披露營運數據方法，有可能反映公司有信心未來幾季用新方式公佈數據會比較靚仔，會令市場滿意。
券商平均估計安東2013年純利增長25%，咁?預測2013年市盈率25倍，市盈增長率1倍，對增長股?講，以前叫做合理，現時算係平。股價相對同業硬淨，反映周永康事件對佢影響較輕微。
中長線持有睇6.8元
中央「堅決向汙染宣戰」，環保股、新股源股、燃氣股都能夠受惠，天然氣本身係清潔能源，加快開發可以令安東油田收入增長提速，長遠收入至少拍得住一般燃氣股兩成?年收入增長，估值就略為低過燃氣股。
論個股質素，中長線值得持有，首站先睇6.8元。
安東長線圖表亦有少少似上星期推介?興業太陽能(750)，經過大半年整固期後，股價逐漸轉強，如果見成交、波幅慢慢向上增加，升勢就更加能夠確認。
至於上期介紹?興業太陽能，介紹後兩日股價爆上兩成，走勢靚兼且成交大增，中線利好，建議繼續持有。
晉佳
本欄逢周三刊登
上一則: 中環迷你裙：小米盒子概念股 - Samantha
下一則: 魚樂無窮：利君棄溢價售股有因 - 唐牛
智取大市 - 晉佳 舊文
