情陷夜中環：叻富帥 - 葉朗程
■有些女人以為見過家長關係就可穩定，但其實分手可以是一霎眼的事，見家長不代表甚麼。
回到公司，指定動作，跟秘書說聲早晨。平時，Nicole總是笑著回句「Morning」，但這次沒有。「Morning」依然有講，欠奉的，是笑容。有?女人，個樣笑同唔笑可以差好遠，Nicole正正係呢種女人。
那個早上，有點匆忙，所以沒有買咖啡回公司。見Nicole心情不太好，粗重工夫就自己來吧，於是動身走到pantry。恰巧，Nicole也在這個時候走進來，神不守舍地拿起一個茶包。我有技巧地瞄過去，現在看得清楚，Nicole的臉上不但沒有掛上笑容，眼睛更有點紅腫。
好奇心又好，出於關懷又好，我先開口說：「Lunch有冇約人？」Nicole沒有回答，因為完全聽不見我跟她說話。Nicole回應：「嚇？」她終於有反應。我將問題重覆一次。「冇約人呀，why？」你就?生日嘛，同你預早慶祝。「Thank you！咁都記得？」小女孩終於綻起一絲笑容。一笑，靚番曬。你生日好易記，每年差不多呢個時候派bonus。Nicole笑著說：「係喎，多謝Marcus，我book位，Rei Sushi？」嚇？你生日喎，揀個你鍾意?地方啦。「我冇乜所謂?，你去開Rei Sushi嘛，就?度啦。」可能我個人平時太難頂，所以Nicole對我?態度一向麻麻?。但那一剎，彼此的關係，突然泛起微妙的變化，那種磁場，像一家人。我更肯定她是剛剛哭過，因為脆弱的女人，通常特別溫柔。
未夠12點，我們一起走到Rei Sushi。點菜的時候，我對Nicole的印象又再好一點，因為覺得這個女孩子蠻有教養的。她點的天婦羅定食，價錢差不多是全個menu最低。?呢度，梗係食魚生啦，唔係同我慳?？「Tempura都好食呀。」唔得唔得，再叫過，我堅持。最後，Nicole笑著屈服。
見過家長女人才覺關係穩定
等著開餐的時候，話題好不容易由最近上畫的電影，去到她的男朋友身上。拍?幾耐拖？「差唔多半年啦。」對你好唔好?？我只是比Nicole大四年，但言語間，覺得自己有?似佢老竇。「一時時啦。」嚇？一時時？即係點呀？一時時對你好，又一時時對你唔好？「又唔係唔好?，佢忙?囉，所以唔係太多時間陪我。」
我想起Nicole今早雙眼通紅的樣子。因為咁樣唔開心？Nicole猶豫半晌說：「最唔開心都唔係佢冇時間陪我。」花心？「又唔覺得佢係喎。」Then what is it？「佢未帶我見過佢屋企人。」真相大白，缺少的是那份認同。女人好天真，覺得見過家長，才算是關係穩定。講真，搞完一場大龍鳳，分手也可以是一霎眼的事，何需在意有沒有在其雙親的眼前出現過？況且，現在搞得越多?，到分開的時候，女人只會越傷心。家長嘛，唔見好過見。
午餐終於來到，我嘗試轉換話題。個男仔做邊行？「佢幫緊屋企手。」簡單六個字，「佢幫緊屋企手」，涵義很廣，講?等於冇講，丙記士多個太子爺係幫緊屋企手，長實(001)副主席李澤鉅又係幫緊屋企手，你男朋友係邊種呢？當然，我沒有八卦下去，只是無聊的打個完場問：「靚唔靚仔？」這時候，Nicole甜笑起來。「都ok?。」嘩，笑到你個樣咁姣，應該唔只ok咁簡單。有冇相睇？
Nicole呷一口味噌湯，略帶勉強的說：「都有?。」左手在iPhone按了良久，似乎終於找到一張見得人的照片。我小心地接過電話，看看那個亮著的螢光幕，是他們的合照。係好靚仔喎，仲有?明星相，同我有得揮。正當我想把電話交還Nicole的時候，wait a minute，相中的男人，好熟面口。再放大看，更肯定自己是在哪裏見過相中人。能夠在我這個private banker的腦海留下印象的，九成九是個有錢人，仲要係好鬼有錢?隻。死啦，?邊度見過呢？過了一會兒，終於想起，他是非一般的富二代。
有錢靚仔醒目非一般富二代
如果你每次看見有關富二代的新聞，都覺得上天不公，你千萬不要認識Nicole的男朋友，因為他會讓你覺得，上天的不公，原來可以如此極端。有錢又靚仔的富二代，我見過。有錢又叻仔的富二代，我都見過。但又叻仔又靚仔的富二代，我確是聞所未聞。那當然，「叻」、「富」和「帥」都是一個極度主觀的形容詞，你肯將就?，葉朗程都絕對算係「叻富帥」。
Nicole的愛人，就算你用最嚴格的一把尺去量度，也必定會得出一模一樣的結論。非常靚仔，非常有錢，非常醒目。「超級叻富帥」的爸爸，是叱吒亞洲的香港富豪，雖然子女眾多，但很多人都盛傳「超級叻富帥」已經是指定的王國繼承人。很多報章雜誌，經常選甚麼十大鑽石王老五，但這些排名表上，從來未見他的影蹤，可見他為人極度低調。
望著Nicole，我看見一個「為仔死為仔亡」的眼神。知道這個男孩子的家底，我更加唔睇好。拍拖還拍拖，唔使次次都咁投入?。「咁搵到個鍾意?，自然就會投入?啦。」Nicole說。我突然想起Danielle跟我說過的一句話，有次我向她迫婚，她是跟我這樣說的：「呢個世界，冇話邊個冇?邊個會死。」我將這句話轉贈Nicole，希望她能在投入之餘，也能輕輕保持一種抽離的狀態。
怎料，年紀輕輕的她，對愛情竟然這樣執著：「我都知，冇?邊個都唔會死，但如果真係俾你搵到?位the one，你至少可以死而無憾。」
葉朗程
上一則: 好不主席：編輯誰主？ - 盧先亞
下一則: 四年累借806萬淪為銀主盤豪門「十按」盤賣平逾一成
情陷夜中環 - 葉朗程 舊文
