置業信箱──買樓初哥睇二手盤想知
擇自地產新聞組的一個留言
問：一直有心買樓，但樓價一直升入唔到市，依家有少少調整想開始睇下樓，但以往很少的睇樓經驗中，發覺冇熟人、就咁走入地產公司叫經紀介紹盤，一係敷衍你，一係帶你睇埋曬D又貴又殘的盤，好難睇到正常價/狀態的盤，請問要點先可以唔會被經紀一眼就睇出係買樓初哥？
1.要點聯絡佢地，打電話定WALK IN(其實WALK會唔會冇鎖匙盤睇？)要點問佢地？
2.如果一次想睇幾個有一定距離的樓盤，通常係經紀會主動車客去，定要同佢坐的士？如坐的士習慣上邊個付車費？(唔係貪小便宜，只係想知一般習慣唔常比佢知道乜都唔識)
3.係咪話買樓收租好過話自住？
4.一定要問/一定不要問經紀什麼問題？
答：地產經紀並不是一個神秘的行業，反而是透明度頗高，而且同業之間消息靈通。大家只要設身處地去站在他們的立場想一想，就可以更容易得到合理的服務。
地產經紀是要在成交發生時才會獲得傭金，而人人每天都只是有十多小時的工作時間，他們當然是先做熟客，或者由熟客轉介的客。一般生客最直接的埋位方式，自然是找一個有買樓經驗的朋友介紹用過的經紀。
如果真的無法找到人介紹，那麼可以選擇跨區的大中型經紀行，他們自有一套營業的制度來接待客人，不過都可能會遇到睇「特別盤」的情形。
另一個方法，是從試買新盤入手，心水地區附近有新盤開售的話，可以去當區的經紀行入票，自然會獲得熱情招待，還要是數個經紀一齊來，雖然不是有心入新盤，但可以乘機向他們表達，也有興趣看同區的二手盤，買不到新盤，他們自然會推舊盤。
不過要講句公道說話，經紀都知自己時間寶貴，所以不會故意帶客遊花園浪費時間，但事實上各區的二手盤都供應緊張，主要原因是特別印花稅，將大量流動盤綁了幾年，短期內都不會改變。
如果是新盤，或可能有專車接送，看二手盤多數都是約附近樓下等，所以選擇當區的代理行就較方便。
記著，睇樓之前要簽睇樓紙，而且避免重複由不同的經紀去看同一個盤而又走去買，亦不要試圖搵朋友簽睇樓紙迴避付傭的責任。
如果真的覺得經紀不值得付用的話，不如去找網上一些自放盤網站。
趣遊樓市 - 脫苦海 舊文
