魚樂無窮：大自然地板滄海遺珠 - 唐牛
■大自然地板主要產銷木製地板，另涉足木門及廚衣櫃產品。
有傳長沙及杭州等城市限購令鬆綁，加上銷情對辦，內房股繼續靚仔，但未有貨嘅戰友，而家高追需要好大勇氣。今日推介嘅冷門股大自然地板(2083)，與內房股息息相關，呢一輪冇炒過，乃追落後佳品。
街貨少易舞上
大自然地板主要產銷木製地板，另涉足木門及廚衣櫃產品，根據專業統計，木地板產品零售銷售額在內地市佔率達7%，其中多層複合地板及實木地板更係number one，內房銷情好，公司肯定率先受惠。除透過分銷商銷售外，公司亦會直接向房產商供貨，龍頭股如萬科、恒大(3333)、雅居樂(3383)都係佢嘅客仔，夠噱頭！
海外市場銷售比例約7%，並以美國為主打，連復蘇條水都食埋，今年目標達雙位數冇難度！
講前景，公司已啟動O2O平台計劃，打造一站式家居裝修解決方案，並積極與電器供應商洽談合作，今年將有好戲上演，如此迎合強國人追求舒適生活嘅口味，夠sexy！
大摩旗下私募基金及國際金融公司(IFC)均為公司長期股東，分別持股18.1%及7.2%，星味贏曬。大股東佘學彬最新持股50.4%，連同其他未浮面基金持股，街貨隨時只得兩億股，一旦獲資金相中，要舞起話都冇咁易。現價市盈率10倍，息率高達13厘(早前曾派特別息)，點秤都值博！
唐牛
上一則: 炒友Blog：冠德好事近目標10元 - 邱古奇
下一則: 股場放大鏡：中糧置地注資空間大 - 歐陽風
魚樂無窮 - 唐牛 舊文
