中環迷你裙：港酒店威絕全球 - Samantha
■史樂山(左)任主席的太古地產旗下金鐘奕居在《TripAdvisor》排行榜中位居全球第二，真係威到盡。資料圖片
內房「寒流」日日報，有啲內房近年轉戰酒店或變身做收租股，有老牌發展商手拎滬黃金地段，原本諗住賣鬼咗佢，點知遇著劣市，而家拎嚟做酒店式住宅。點解唔做酒店？「阿妹，做酒店好麻煩」，管人、管食物、管房務，Samantha認為最難管是品牌，若走低俗路線，旅客寧揀深水埗的主題「客棧」(都幾靚㗎)，酒店sell高檔，這是品味問題，唔係用錢搭救就過到關。
省靚招牌向來有一手的太地(1972)，最為人熟悉緊係賣樓，唔少朋友鍾情於鰂魚湧的Mount Parker，地段和景觀絕對有更好的選擇，但朋友們話「太古樓喎」，而旗下金鐘奕居在今年旅行者票選的《TripAdvisor》排行榜中位居全球第二，僅次於瑞士Kronenhof，真係威到盡。
翻查該旅遊網站留言板，若不是有讀者資料，好到差點以為是網絡打手做的，意見多是讚間房夠大，客服夠高檔等。這不難明白，本港五星房價，三星服務和房間大小都見識過，旅客來訪見到酒店竟然唔賺到盡，保持到質素當然笑逐顏開，Samantha認為呢間酒店能夠保持small luxury全靠夠低調，強國人未熟悉，就算同班姊妹high tea，都唔會好似半島、文華般咁墟冚，格調自然形成。單睇股價走勢，太地近日釀釀突破去年中的橫行區，相信將再燃起升浪。
Samantha
本欄逢周三、五刊出
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk
上一則: 股場放大鏡：勝利管道硬淨有原因 - 歐陽風
下一則: 輪輪相扣：金山購證獲青睞
中環迷你裙 - Samantha 舊文
