金手指：心潔被迫養彭順 - 孫柏文
■筆者指出，李心潔(左)細彭順(右)咁多，他朝或被迫養有錢彭大導演。資料圖片
上周孫柏文寫咗篇講港鐵(066)嘅文章，鬧佢哋態度嘅問題，例如咁多年來乜機構都真誠同我傾過計，欠港鐵。點知青姐胡孟青第日就覆我，話每年因港鐵出中、末期業績，喺股評人飯局見佢哋。而青姐話我冇份嘅原因係我定位「究竟係分析員、股評人抑或傳媒人，弄得上市公司難以把你classify」。青姐咁講，其實咪就係撐我個理論囉！就係港鐵套系統極官僚、冇彈性，冇嗰種humility去處理系統以外嘅黑天鵝，所以一遇到就條條新線被鬧「delay no more」！
港鐵冇理由長揸
青姐亦話，我揸波子佢揸福士，我估話兩個都唔搭公交。首先，青姐揸Audi，冇錯真係福士，即大眾汽車嘅產品，但波子都係，本是同根生呀！而聽講青姐已落定買嘅Bugatti，其實都係福士旗下。但點解揸車都咁嬲港鐵？係因嗰啲高官已決定要人為地令香港泊車位不足，去控制馬路上車輛數目！喺邊度度到呢條橋？咪就係坐緊喺佢哋司機開嘅Phaeton裏面度嘅！仲要我屋企附近泊位已非常緊張下，隔籬有個公屋屋邨，車場泊唔滿兼平好多，仲要唔畀私樓人真金白銀去租！高官大曬！公屋戶大曬！一嚇令過百萬車主或想買車嘅人反你政府，長遠要殺鐵路壟斷。港鐵股票你仲想長揸？
有人早排放料大婆台新聞部，話港島行車好慢喎。一報，港鐵就係咁爆醜聞。Karma，好！好多人買車嘅aspiration，根本係想假日揸，平日只係想搵個位擺。唔明，就係做官材料。仲有青姐話喺佢眼中我「仍是小孩子」，我今日要重申，青姐喺我眼中仍是穿St. Mary"s校裙嘅18歲女神！所以計埋年齡差別，我係小學雞。
最後，本月調高強迫金供款，左膠現已話要沒收做佢哋全民老人派錢。我雖奮力抗，不過左膠話事，冇計。好彩李心潔、彭順單嘢言和，如果一刀兩斷，心潔細彭順咁多，他朝被迫養有錢彭大導演，就真係不仁不義呀！
孫柏文
獨立股評人
http://facebook.com/shuen
本欄逢周二刊出
【壹錘定音.李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk
上一則: 青心直說：股票竟變意外財 - 胡孟青
下一則: 一周三件：大唐新能源值博 - 錢雋
金手指 - 孫柏文 舊文
