中環在線：
利豐分拆利標馮家總動員撐場
■利標噚日掛牌，馮氏一家幾乎總動員撐場，蘭桂坊之父盛智文亦到賀。黃偉傑攝
百年老店利豐(494)分拆旗下品牌業務利標(787)，噚日正式掛牌，馮氏一家幾乎全體總動員出動撐場，場面似在開家族派對。利標CEO樂裕民亦一樣咁happy，因為除咗貴為亞洲樂壇天後嘅太太李玟(CoCo)有親身到場支持外，他與前妻嘅女兒Rachel Rockowitz，亦身穿搶眼鮮黃色露背裙嚟賀爸爸新官上任。樂裕民上台敲銅鑼時，CoCo、Rachel和幾位親友仲一齊喺台下尖叫吶喊，感覺似睇緊concert。
■樂裕民與前妻嘅女兒Rachel Rockowitz昨一身鮮黃色露背裙打扮，青春洋溢。 
■樂裕民(右)太太李玟情深款款咁望住老公答問題，仲忍唔住要舉機拍片，相當Sweet。 馮家兩代成員悉心打扮
馮家兩代成員，昨日差不多全數出現。利豐非執行董事馮國經、主席馮國綸兩兄弟，自然有出席，難得係兩位太座都悉心打扮，陪同現身。馮國綸對於利標掛牌後股價造好，心情大靚，笑住話滿意股價表現，不過佢都補咗句，要睇多幾日先可以作準嘅。
馮國經3名子女全部有到場，包括長女馮詠儀同佢嘅賓架老公林詩棋，仲有甚少在公開場合現身嘅細仔馮裕津(Stephen)。華華問到接棒做利豐新CEO嘅二公子馮裕鈞，最近升職有乜感想時，佢就話剛剛接咗棒先兩日，要「儲嚇啲感受先」，保證8月公佈業績時，再同大家分享。
港交所(388)就出動到主席周松崗來做代表，認真畀面。向來同樂裕民friend底嘅蘭桂坊之父盛智文(Allan Zeman)，就以利標獨立非執董身份出席。
■馮國經夫婦心情大靚出席上市儀式。 
■馮國經長女及二公子少有地齊齊現身公開場合。 
■極少蒲頭嘅馮國綸公子馮裕銘(中)保持低調作風，未有和傳媒交談。 李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
