中環在線：華爾街狼人來港
借Talk Show推銷
■Belfort不時叫觀眾跟住佢喊「Yes」，初時現場反應熱烈，中段已經沉靜下來。羅君豪攝 
電影《華爾街狼人》真身Jordan Belfort星期三晚來港舉行一場Talk Show，唔少中環人都有到場「朝聖」。全長3粒鐘?演說內容好唔好聽？呢個唔係重點，重點係臨尾5分鐘，而呢5分鐘亦完美展示呢位「狼人」點解咁值錢，事關呢一Part，開正Belfort?範，就係推銷課程！
繳2.5萬可做佢徒弟
佢一共推銷三樣?，包括?今年10月舉行、為期三日?新加坡學?之旅、一套自家教學課程光碟連書，仲有跟Belfort一年?師徒計劃。如果你成為佢?徒弟，佢會定期同你用短訊溝通、到時到候又會同你講電話、做視像會議之類。
呢度一套三件「產品」當然係好鬼貴，Belfort就賣大包，話現場所有人，位位都咁尊貴，享有尊貴優惠，即晚報名只需2.5萬大元，較原價8.58萬元平一大截，仲要買一送一，可以分期付款?呀！齋係呢條推銷橋，大家都應該學到點樣賣?喇。
52歲?Belfort生於美國紐約一個小康之家，爸爸係會計師，佢1987年加入華爾街?金融機構做證券經紀，冇耐遇上股災，公司執笠，佢由大行轉細行，專炒仙股，再同人夾份開小型證券行，因幫客賺到大錢而聲名大噪。但因涉及多宗違規事件，1992年被美國證監會要求停業，Belfort承諾永不重投業界。
Belfort2003年因欺詐同洗黑錢被判入獄4年，出獄後周圍演講教人推銷，仲有幫大公司做企業培訓。佢前晚一開波就話自己??過完大海，仲識得賭王位公子何猷龍，原因咪就係替對方公司做企業培訓囉。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
