異動空間：內房跑得快之選
周一推介的利標品牌(787)起飛了！由利豐(494)分折、以介紹形式上市的利標，掛牌初期沽壓沉重，魏力解釋因唔少?利豐大fund，無端端獲派利標，受基金政策所限，唔?得細市值股份或新股，焗住一掛牌就爭住掟，股價自然出事。昨大成交突破橫行區，大戶掟貨告一段落，升浪已展開！睇番利豐系新股往績，中線可望倍升。
恒指升破24000點屠熊後，無縮沙調轉行，交投顯著轉活，升勢有餘未盡。滬港通炒?一輪，指數行番，小心大戶趁價好散貨，賬面已獲利的戰友宜食糊減磅；反之，如近日才追價入場，情況其實頗為凶險，記緊嚴守止蝕。
內房限購令逐步鬆綁，但行業整合潮未完，博反彈宜先揀龍頭股，中海宏洋(081)有中國海外(688)大品牌撐住，市值唔夠150億元，爆炸力較佳，屬穩中求勝之選。內房上半年寒凍期已成歷史，7月11日發盈警，料半年少賺30%，主要受物業估值下降拖累，公司基本因素應無大問題。再者，股價盈警後不跌反升，可見已消化不利因素，並憧憬下半年復蘇。走勢上，昨突破2月以來橫行格局，短線先睇250日線6.5元。
魏力
http://www.facebook.com/2012jason
魏力
異動空間 - 魏力 舊文
