中環迷你裙：醜股變靚揀玖紙
■張茵任主席的玖紙，中期業績靚仔，純利增加48%，全年業績有望更上一層樓。資料圖片
樓市和港股都是異曲同工──久旱逢甘露，賣個滿堂紅。樓市成交淡靜，一旦有新盤開售，縱然個盤質素有幾差，都同你掃清板。港股經歷兩個多月悶市，成交勁縮，阿爺稍有放水跡象，港股頓時飲了Red Bull一樣，照衝可也，恒指連續三日大成交炒上，衝破二萬四，音樂未停，板塊追逐戰繼續。
內房股噚日?烚烚，牌面好的，差的，都向著同一個方向前進，好似上半年最差藍籌華潤置地(1109)咁，賣樓賣得差，踢出十大內房又點？連升三日狂飆一成有多，若港股繼續走呢條路線，就要金睛火眼睇實隻玖龍紙業(2689)。
行業產能過剩，歷盡多年的淘汰混戰，加上業績麻麻，玖紙主席張茵除了業績會和周年大會外，鮮有露面，但近日一反常態邀各大傳媒參觀東莞廠房，仲大派定心丸，似為9月全年業績鋪路，此乃吉兆，加埋網購高?期臨近，力攻網購包裝紙的玖紙必能受惠。
再者，公司根基未見惡化之餘，更有翻身跡象，中期業績靚仔，純利增加48%至9.72億銀，為全年業績打底，第三，產品價格開始邁步，已醞釀加價，而7至9月是傳統行業旺季，正是當炒之時，玖紙過去兩年多在下半年展升浪，該股在阿爺放水之日開車，甫兩日即衝穿6月時的高位，若業績靚仔過人，衝穿7.7蚊的強大阻力不難。
Samantha
本欄逢周三、五刊出
Samantha
中環迷你裙 - Samantha 舊文
