魚樂無窮：新鴻基公司越升越有
■李成煌任主席的新鴻基公司今年屢創52周新高，股價有機會坐七望八。資料圖片
港股衝破今年高位，不少評論員立即飛身撲出，指大市下一站可見二萬四。其實在紅色勢力下，恒指指標作用大不如前，大型上落市係近年嘅主旋律，同內地股市一致。指數破位嘅重點在於令大戶散戶重新入市，激活市場，造成良性循環，提供搵食機會。
大股東出手增持
滬港通如箭在弦，券商股預期可飲頭啖湯，如果有埋分拆概念，肯定如虎添翼，今日推介嘅新鴻基公司(086)，正好食曬兩家茶禮！新鴻基業務包括財富管理及經紀業務，另透過持股近六成嘅亞洲聯合財務，於中港提供貸款業務，貸款總額超過100億銀！內地12個省市共有105家分行，網絡規模不可小覷，未來滬港通開車，新鴻基踢高幾班波。市場年初傳出，亞洲聯合財務爭取於下半年上市，估值達250億銀，意味新鴻基持股市值接近150億銀，較公司最新市值138億銀還要高，名符其實︰禾桿冚珍珠！近期大股東增持，大有肥水不流別人田味道。今年公司創立45周年，係適合時機有大動作，以其近年從不間斷派息，話唔定會派特息。
睇圖表，新鴻基今年屢創52周新高，走勢如入無人之境，但現價市盈率僅13倍，如果上述是旦一個動作落實，估值有望大幅提高，坐七望八絕不是空想！
世界盃入8強四場賽事中，最值博係法國，睇佢16強對尼日利亞，似未出盡全力，相反德國卻見底，今場法國受讓平/半(1.84倍)，捧得過，進取可買埋主勝(3.05倍)！
唐牛
https://www.facebook.com/tongcow88
唐牛
~TITLE_S~魚樂無窮 - 唐牛 2014年7月4日 舊文
