魚樂無窮：睇好中資股吼實惠理
■謝清海任主席的惠理集團，公司將於本周三放榜，或會成為股價突破的催化劑。資料圖片
內地最新CPI報2.3%，符合市場預期，意味阿爺繼續有空間放水谷經濟，中資股短線值得畀like。睇好中資股，除?買A股ETF同埋內險股外，由金手指謝清海打骰?惠理集團(806)，都係一個好選擇。
已發盈喜博得過
謝清海揀股技術高係人都知，唔信？睇睇佢?王牌基金──惠理價值基金A，截至上周四今年升幅4.2%，跑贏H指及滬綜指同期?0.6%及3.4%。睇返近惠理?持倉，唔少近期都有好表現，包括利君(2005)、TCL通訊(2618)及華電國際(1071)，其中前兩者最新股價，比起最後買入價分別狂升35%及14%。揀股有一手，業績當然靚仔，惠理早前發盈喜，預計中期純利由去年同期330萬銀，勁增42倍至1.4億銀，主要受惠管理費及表現費收入增加，以及初投資本及旗下基金公平值虧損淨額減少，單計經營利潤亦升26%，果然真材實料。雖然近月市況chok上chok落，但惠理管理資產總值一直保持?100億美元樓上，反映贖回潮並不嚴重，更有利基金?升浪中大展拳腳。
事實上，謝清海月初表示，有信心A股已見底，預計今年仍有15%反彈空間，信佢?預言就買惠理！
睇圖表，惠理近月沿著上升軌拾級而上，走勢四平八穩，公司將於周三放榜，或成為股價突破催化劑。戰友可候回試5.5元入貨，短線先睇年初高位6.1元，都有一成利潤落袋。
唐牛
https://www.facebook.com/tongcow88
唐牛
魚樂無窮 - 唐牛 舊文
