異動空間：先達乾爆勢喪炒
前輩教落，股票要升，最緊要貨疏，因貨源集中於有實力人士手上，街貨乾塘自然易炒，加上熱錢持續湧入，半新股蟹貨不多，掃起來自然更輕鬆寫意。上月掛牌的先達物流(6123)有齊以上元素，真係要幾癲有幾癲！
先達物流上市價1.18元，總股本4.15億股，市值唔夠5億元，跟殼價差唔多，「細細粒」本應易炒，但首日故意放軟手腳，壓住個價唔行，收埋散戶手貨，第二日先開車。六個交易日後高見1.97元，漲幅67%。計計數，大股東共?71.57%，加上三名基金股東分別持有9.99%、6.01%及5.57%，合共已持有93.14%，即係條衝得番2,847萬股，現價(1.72元)計市值唔夠5,000萬元！
值得注意，由於基金股東持股不逾10%，故屬於公眾股東，令賬面上的公眾持股量接近28%，符合證監規定之餘，亦有效令貨源保持集中，為日後大炒埋下伏線。
走勢上，先達炒上1.97元高位後，進入半個月的調整收集期，低見1.44元，剛好完成黃金比率0.618的回調，蓄勢展開第二輪升浪，上日破橫行區漲4.2%，成交股數較上日大升3.8倍，並連續三日企穩10日線之上，來料！
魏力
http://www.facebook.com/2012jason
魏力
異動空間 - 魏力 舊文
