魚樂無窮
下一隻阿信屋︰森信
■岑傑英任主席的森信紙業，如從殼股角度出發，絕對係禾稈?珍珠貨色。資料圖片
萬威(167)控股股東獲洽購股權，復牌一度再炒高35%，現價市賬率已睇齊權智(601)，除非有進一步消息，否則短期應已到價，戰友可自行決定去留。人望高處，水向低流，工業股掀起賣盤潮，資金勢必向低殘工業股埋手，如有埋變身概念，即享雙重優惠，是但開一瓣都足以飛上枝頭變鳳凰，今日推介?森信(731)，就擁有如此尊貴身份。
世紀建業異動好事近？
森信主要從事紙品貿易、經銷及製造業務，近五年盈利介乎6,000至7,000萬銀，業務平穩，但如果從殼股角度出發，絕對係禾稈?珍珠貨色︰市值7億銀，大股東岑傑英家族持股74.5%，市賬率0.4倍，生於呢個殼股大時代，噚日一棍應該只係前菜。唔講唔知，岑傑英同副主席李誠仁，靜靜雞開?檔叫FoodWise?零食及凍鮮貨舖頭，暫時有四間分店，遍佈港九新界。點解個古仔咁熟口熟面?？冇錯，翻版759阿信屋也！同屬老牌工業股?CEC國際(759)，近年逐步轉型至零食業務，成績有目共睹，生意亦越搞越大──化妝品、凍肉、家品、雲吞麵一應俱全，市值亦由3億銀爆升至最新20億銀！如果森信跟足劇情發展，不得了！小注低吸隨時有意外收穫。
同場加映世紀建業(079)，又係一隻平到震?細價股，兩億市值，NAV1.25元，公司管理層與母親官司原於7月聆訊，但由於雙方有意商談和解，押後至今日聆訊，噚日突然爆升22%，唔通有好消息跟尾？
唐牛
https://www.facebook.com/tongcow88
唐牛
魚樂無窮 - 唐牛 舊文
