細價股熱潮，完全是基於賣殼概念，事實上這些香港老牌中小型股，的確經營艱苦，唔做可能好過做，加上掌舵人年事漸長，亦有機會打算收山，而第二代又未必有興趣接棒。
不過，對於炒賣殼，很多人的策略是有如創投基金一樣去漁翁撒網，買十隻八隻，希望博中一兩隻便有數圍，所以近期股市便處於禾雀亂飛的格局，未必有特別莊家活動，只是見人炒個個炒，總之幾億市值就有理無理走去買，用馬場術語，是處於落飛跟風的階段。
應腳踏實地揀好股
自己沒有參與這個遊戲，近年理念已經是揀盈利前景，又或者是博大股的資金流向。對於幾億元市值股票整體而言不感興趣，贏輸銀碼有限數，上落百分比是大，卻不可以投入太多的注碼。
不過，自己卻不會抱怨A股市場的汙糟水汙染了香港的乾淨水，因為是否選擇隨波逐流，完全是有得揀，在A股化的環境之中，一樣可以用美股化的原則去操作。
如果大家也像筆者，還零星持有個別咸豐年蟹貨，其實可將目前這股表面上的股市濁流，視為淨化自己組合的機遇。整體細價股肯定是泡沫，而如果手上只得一兩隻細價股，純粹按機會率去考慮，當然是唔中多過會中，所以倒不如趁高鬆綁，套現更換，腳踏實地揀好股票。
豐盛金融資產管理董事 黃國英(作者為註冊持牌人士)
Money18更多即時港股指數資訊
上一則
下一則
對沖國度 - 黃國英 舊文
