異動空間：萬里望買殼策略
總理一句話搞深港通，滬深A股又飆近5%，眾所周知，深港通遲早會通，但個市要癲甚麼都是理由，冇得拗頸。早市見浙江世寶（1057）漲6%，心諗「炒滬港差價都證明唔work，仲有人去炒深港差價，儍的嗎？」點知收市時儍的原來是自己。浙江世寶狂飆28%，山東墨龍（568）都爆升21%，升勢很可能得一兩棍，但卻是啖啖肉爽到爆！搭唔到順風車只怪太理性，與強國投資者channel仍未接通。面對呢個市，少少癲，多多趣！
補充一句，不是叫各位不理風險亂衝喪買，而是要隨著市況，不斷調整自己的炒作心態，否則悶市又冇嘢炒，瘋狂市又唔夠薑買，最後都係一無所獲。中資金融、基建股回氣，焦點轉到內房、資源及大落後股身上，上日推介招商局置地（978）埋單漲9%，保利置業（119）再升6%，比龍頭股更強橫，值得坐多陣。
記得去年11月魏力推介的安東油田（3337）嗎？三日飆五成後整固超過一個月再次開車，呢轉堅要買，點解？油價日日創新低，但安東11月後已一浪高於一浪，技術指標好番曬，資金抄底必先揀龍頭，呢轉睇100日線2.42元。
魏力
http://www.facebook.com/2012jason
魏力
異動空間 - 魏力 舊文
