魚樂無窮：
兩隻幻想力十足股份
■謝霆鋒做大股東的漢傳媒，上周五股價破頂。 資料圖片
港股4月埋單狂升3000點，皆大歡喜。究竟升完未？簡單從成交出發，每日成交動輒千幾兩千億，散戶為陳年蟹貨鬆綁，沽多過買，股票落在誰人手上，值得深思。進入傳統五窮六絕月，有兩大焦點︰1.美國會否加息；2
.A股會否入摩指。
根據儲局最新會議，6月加息機會不大，意味資金流向不變，股市自然繼續炒。A股會否納入摩指，一切視乎中央牙力及決心有幾大，觀乎近月一連串消息及行動，如放寬公募基金來港、央企改革，甚至是中國式QE，無不反映阿爺對外接軌態度積極，相信「入摩」只係時間問題；加上官媒繼續唱好，用股市救經濟主旋律不變，中港股市想唔升都幾難。
大牛市下通街股神，唐牛十分贊同教授曾淵滄說法︰「只要故仔說得動聽，股價自然會升。」無他，資金求股若渴，只有一丁點消息、概念甚至幻想，都足以將股價舞到九樓咁高。今日一炮過推介兩隻概念十足股票，不妨小注追夢。
第一隻，漢傳媒（491）。謝霆鋒做大股東，其伯樂楊受成旗下英皇系乃當紅炸子雞，呢個組合同阿里影業（1060）趙薇+馬雲係咪好似？上周五漢傳媒靜雞雞破頂，唔通好事近？第二隻，香港建設（190）。大股東以0.25元提全購，上周五炒上0.31元，現價入場輸有限，睇番每股NAV達1.1元，全購必有所圖，睇住呀！
唐牛
https://www.facebook.com/tongcow88
唐牛
魚樂無窮 - 唐牛 舊文
