異動空間：幾時上車最疏乎
調整市講嚇應市心法。戰友炒股票互通消息，過一陣通常會問：上咗車未？炒股好似搭巴士，早上車有得揀位坐，欣賞沿途風光，又可小睡片刻，最疏乎！幾個站後開始逼人，架車左轉右轉又煞車，企唔穩隨時PK。最後逼到去車門，沙甸魚不在話下，更俾司機話阻住佢睇倒後鏡！見巴士客滿又
趕時間，有人會改搭飛van或索性搭的士，但代價高好多。3月底升浪中，互聯網+、一帶一路等概念股率先發動攻勢，將是這次大牛市升得最勁股份，但如閣下4月9日後才上車，不少股份至今仍未返家鄉，就好似遲咗上巴士又熱又逼，肯定要捱一排，等乘客逐步落車，先會企或坐得舒服啲。搭巴士你會否因為逼求其搵個站落車？炒股相信也是同一道理。
無論升跌市總有人問：目標會升/跌到邊度？炒股如晚間行山，伸手不見五指，有乜風吹草動一定驚，正常。每人都想搵支電筒，而股市中的電筒，就是閣下的經驗和判斷，上次行到呢度撞樹，今次行過少少，避過陷阱又進步了。篇文咁無聊你都睇曬，獎你個冧把：敏華控股（1999），走勢極佳。
魏力
http://www.facebook.com/2012jason
魏力
異動空間 - 魏力 舊文
