魚樂無窮：一閃即逝的撈底機會
■威勝集團現價市盈率17倍。圖為集團主席吉為。 資料圖片
A股重插4%，港股失守28000，五窮魔咒不逕而走。信牛市未完嘅戰友，請趁今次調整分段補貨，如果升又唔敢追跌又唔敢撈，就唔好羨慕人哋贏錢贏得咁開心，疊埋心水買盈富基金（2800）吧。
「講到咁巴閉，
有乜好介紹先？」前輩教落，大市調整後重拾升浪，永遠係強勢股行先，所以撈貨一定要搵強股。今日推介嘅威勝集團（3393），絕對係表表者。
威勝大型升浪始於2011年下半年，當時股價兩蚊樓下，不足五年累升逾6倍，用強中強形容絕不過份！升浪當然有強勁基本因素支持︰威勝主業包括智能計量業務（AMI）、智能電錶及智能配用電業務（ADO），過去四年盈利均有雙位增長，其中毛利率超過三成嘅ADO，去年生意勁升2.3倍至3.1億人仔，成為主要增長動力。
最近一連串活動及消息，均凸顯集團優勢。1.夥拍行業龍頭西門子，奪得墨西哥及巴西合計7,800萬人仔AMI合同。解讀︰脈絡夠強勁，外闖冇得頂。2.再度入圍13家市級水司智能水計量解決方案招標。解讀︰食正大國策，搵錢有辦法。3.批股集資，引入世銀旗下國際金融公司。解讀︰泊得大碼頭，基金爭崩頭。
現價市盈率17倍，平A股同業林洋（34倍）幾條街，噚日因批股消息急跌，但批股價牢不可破，一句到尾，小心筍價一閃即逝。
唐牛
https://www.facebook.com/tongcow88
唐牛
魚樂無窮 - 唐牛 舊文
