環球地震
2015/08/12 09:22:05
網誌分類: 經濟
全球市場昨日最爆事件，莫過於阿爺宣佈人仔兌美元大幅貶值1.9%，創歷史最大單日降幅。阿爺這招，即時令到全球市場大亂，經濟以出口為主的國家同地區，即時受到衝擊，例如歐洲，別係德國，德國股市昨日就重創，昨日跌2.7%，法國股市
跌1.9%，而歐洲整體股市下挫1.7%。新興市場股市亦跌1%至2%。
商品市場亦受災，中國進口預期減少，大宗商品市場明顯受壓，其中紐約原油美國即插2.5%至每桶43.46美元，油價在穿低位向下邊沿；銅價跌3.3%；鋁價跌2.5%。
美股亦受影響，不過跌幅無咁大，能源股及原材料股下挫，同時使出口商與奢侈品生産商股票承壓，雖然人民幣意外貶值令市場猜測聯儲局可能推遲加息時間，美股昨仍要向下，杜指跌212點，收報17403點，跌幅1.2%，基本上抹去了上日大部份升幅；標普500指數跌20點，收報2,084點，跌幅1%；納指跌65點至報5037點，跌幅為1.3%。
阿爺今次突然將人仔貶值的看法，有兩大原因，其中最普遍的意見係中國7月出口大跌8.3%，遠差過預期，所以阿爺要貶值救出口。表面上中央話要將中國未來的經濟發展重點由出口帶動轉向內需，但實際上出口跌得太快，內需上得唔夠快，就造成經濟下滑，所以人仔貶值可助出口，問題是貶值幅度咁少，幫到有限。美元強勢，全球好多國家貨幣，特別係以出口為主的國家，已經大幅貶值，歐元就由最高的1.39美元跌到1.1美元都唔夠，所以區區?1.9%貶值，對出口的幫助有限。
另一個原因，我覺得比較靠譜?係國基會 (IMF) 將於今年 5 月份開始其五年一度檢討 SDR 貨幣籃子的非正式程式，至 10 月份時料將有結果，但早前傳出要推遲到明年9月才俾人仔入SDR。阿爺為了進入SDR，所以先要將人民幣匯價更加市場化，於是將人仔兌美元的在岸中間價（阿爺主導下定出的兌美元匯價）比較跟貼近離岸市場價，另外又將波幅區間擴大。市場預計在三季度會擴至3%。
事實上，市場近期對人仔加入SDR將會貶值的預期不斷升溫，阿爺突然提前將人仔貶值，亦有助將預期斬纜，不致出現預期過度升溫至難以控制。若然主要是因為加入SDR，人仔貶值是一次性的(當然往後若離岸人仔市場價再跌，可以再微調向下)，若然是為救出口，可以持續大幅貶值。人民銀行研究局首席經濟學家馬駿就話，這是由於此次完善報價所帶來的一次性的調整，不應該被解讀為人民幣將出現趨勢性貶值。是耶非耶，要睇睇至知。
另外，從阿爺近日出招救市層出不同的角度睇，阿爺突然將人仔大幅貶值，不無狙擊「空軍」的味道。人仔貶值，即時令到進入中國的熱錢損手，雖然幅度唔大，亦已經係一個警示，除了對沖基金以外，亦令到一般的投機者不敢再瞓身投入人民幣的投資，你去狙擊大陸，萬一佢突然大貶值，你就命都無。人民幣隨時會大幅貶值的風險，令到投機活動的成本大增，亂炒人民幣資產的投機活動，估計會比較收斂。阿爺管理市場亦比較容易。
無論如何，短期環球股市受壓，而港元匯價大插，亦令港股有壓力，要看港元會否急促反彈，才知道風波幾時完。
陸羽仁
回應(2) 我想回應
陸羽仁 BLOG 舊文
