女神tea time：千祈咪同佢鬥長命
現時環球市場最緊張嘅事，就係儲局下個星期議息會議會唔會加息。 資料圖片
港股再出現報復式反彈，連挾兩日挾埋升超過1,500點。呢個時候，個個都會問，係咪「真見底」先？
現時環球市場最緊張嘅事之一，就係儲局下個星期議息會議會唔會加
息。美國近期公佈就業數據時好時差，加上通脹維持低位，數據上未見充份理據支持加息。加埋近來股市動盪，美國都唔敢輕舉妄動，所以9月加息機會降。我分析得準唔準唔緊要，重要係市場好多fund man都咁認為。之前股市係將9月加息呢個因素price-in，如果9月唔加，即係股市係時候畀返個premium佢，亦為短線見底多個合理理由。
留意番，呢個只可以話短線見底。因為熊市周期入面，藉口炒高大升係好平常不過嘅事。由於中國之後個市，簡單一句，就係唔知佢想點。所以都係嗰句，見好就收，有糊就食，唔好同佢鬥長命。前日大市第一日反彈，大價股先行；噚日股仔都按捺不住炒起，可博二、三線股仔追落後。漢傳媒（491）喺上年10月底公佈謝霆鋒入主後炒過一輪，之後更於大牛市期間，由毫子股炒到最高1.36元。公司5月初公佈0.81元配3.69億股，佔經擴大股本16.67%。現價只係0.45元，係高位三分一，與配股價有一段距離，可以一博。
Fifi
http://www.facebook.com/lovefrystock
本欄逢周二、四刊出
Fifi
女神tea time - Fifi 舊文
