儲局露底
2015/10/09 09:01:05
網誌分類: 經濟
美股又升，今次主要升因係聯儲局公布的9月份議息會紀要，進一步降低市場對聯儲局即將加息的預期，加上加上紐約油價繼升，突破每桶50美元，股票恐懼指數再跌5%至17.42點。
美股繼續向好，杜指及標普500指數分別升破17000
點及2000點心理關口。杜指升138點，收報17051點，升幅0.8%；標普500指數漲17點至2103點，升幅0.9%。納指受到蘋果公司走弱拖累，跑輸大市，升20點至4818點，微升0.4%。
杜指昨日因為加息預期再下降，而突破17000點呢個比較重要的心理關口，我早前講過，叫大家留意美股可否向上破位，如今杜指突破17000點，雖然距離高位18300點尚遠，但已形成比較明顯一級級上的走勢，唔係話唔會回吐，但一條清晰的上升軌已形成，只要唔出現太出人意表的衰嘢，可以繼續炒吓。
記住今年頭三季美股都無乜表現，芬佬們都有一個主觀願望，希望好好睇睇，做番好少少交功課。所以市場上唱好的人開始多番，有人話中國地產市道穩定番中國經濟 OK ，有人話商品跌過籠見咗個小底，暫時只見高盛仲唱淡油價，但其餘人等都係好友居多。雖然唔可話好多芬佬想個市好，個市就一定好，但講得多起碼氣氛好番啲。
而聯儲局的9月會議紀錄顯示佢地真係唔止睇數據，仲睇環球股市。數據主要係失業率和通脹，與會官員認為美國勞動市場已經有重大改善（considerably improved），失業率已降至聯儲局的目標。而通脹率雖然低於聯局的2%目標，而大部份官員同意預期維持穩定，大宗商品價格崩跌，亦不會引至通縮的問題。簡而言之，睇數據已可以加息。
但聯儲局亦提到中國因素和環球股市的波動，令儲局官員產生憂慮，證明咗係因股市波動而不加息。
咁問題就嚟啦，而家股市穩定番，但就業數據大幅變差，咁聯儲局點加息呢? 由於聯儲局開會時，9月非農就業數據仍未出爐，聯儲局官員當時的討論仍對勞動市場狀況仍信心滿滿，但近日出來的結果卻嚇人一跳，增長9月新增職位只有14.2萬人，與市場預期的20萬差很遠，而4個月的平均增長只有17.6萬，少於20萬，一個未能帶動經濟增長的數字，與官員所講的重大改相去甚遠，既然儲儲局又話要睇數據做人，市場就預期經濟中短期內都唔會有好大改善，當局有排都加唔到息啦。
見埋呢份會議紀錄，儲局露曬底，乜嘢負面因素都睇，睇到佢未來又因為失業率而唔敢加息，人心大定，股市又造番好啲啦。投資者風險胃納上升，資金又由債市回流到股市，債券價格回落，債息率向上，美國10年期債息升上2.11厘。短線美股仍然炒緊反覆向上。
陸羽仁
回應(4) 我想回應
陸羽仁 BLOG 舊文
