魚樂無窮：農業金融大茶飯
■上海棟華今年強攻農業融資租賃業務；圖為集團行政總裁兼執行董事莫羅江。 資料圖片
上海棟華（1103）原從事石化產品貿易及路橋建設，今年開始積極轉型，強攻農業融資租賃業務。上周三剛完成收購融資租賃公司瑞盈信融53%股權，代價5,300萬人仔，由於成立時間尚
短，故盈利只有十數萬，但資產淨值高達8,309萬人仔，收購PB1.2倍。
9月份，與河南萬邦訂立合作協議，將共同設立數據結算中心，透過大數據為經銷商提供金融解決方案。河南萬邦經營嘅農產品批發市場，為全國十大，每年交易額高達400億人仔。8月份，以代價2.68億人仔收購上海潤通，後者為知名第三方支付服務供應商，已發行逾300萬張預付卡，擁有逾3,000間上海商業客戶，並經營互聯網支付平台。上述連串收購活動，用四個字可以歸納︰如火如荼，更足以拼砌出一條農業金融產業鏈，商機無限。
上海棟華8月建議向大股東及獨立第三方配股，每股作價0.8元，可視為幕後人士成本價，連同早前供股，三個動作讓公司有近30億揸手，夠曬銀彈。橫行兩個月後，上周五大成交破位，新升浪一觸即發！目標價睇幾多？畀個例子你參考︰同樣做農業金融嘅國農控股（1236），轉型兩年大升十倍，上海棟華轉型數月，只升兩成，潛在升幅恐怕用計數機都計唔掂！
唐牛
https://www.facebook.com/tongcow88
唐牛
魚樂無窮 - 唐牛 舊文
