投資先機：市盈率分析有誤解
■市盈率（PE）是用於計算股票估值的其中一個指標。 資料圖片
市盈率（PE）是用於計算股票估值的其中一個指標，公式為股票價格/每股盈利。例如一間公司每股股價100元，每股盈利10元，公司市盈率為10倍，即是說A君當初投入100元收購該公司，假設每股盈利維
持每年10元，A君要10年時間才能取回投資的100元成本！
1）低市盈率的錯誤訊號。好多朋友覺得低PE就係值得投資的公司，就會錯失好多有前景、高增長型公司的投資機會。低PE的背後訊號有可能是市場睇淡該公司的增長前景，故投資者不願意付出較高的溢價去買入該公司，有可能出現PE越低，但股價繼續沉底的情況。記得上年中石油（857）8元的時候，PE不夠10倍，但股價到今年繼續沉底，PE跌至7倍，點解？主要原因係市場睇淡未來油價，中石油開始減少派息，未來盈利能力引起市場懷疑！
2）滯後的市盈率指標。睇番市盈率公式，公司每股盈利係滯後的歷史數據，公司A於今年推出新產品後，市場預測公司A盈利今年會改善，故公司A股價或炒上，但每股盈利未能及時反映，導致PE突抽高，可能令投資者誤會公司A的估值過高，呢個係高PE向投資者發出的另外一個錯誤訊號。
筆者認為PE高的公司不代表估值高，PE長期處於高位的公司是市場看好未來的盈利能力，最有力例子就係騰訊（700），近年PE長期處於40至50倍。你可能覺得係馬後炮，如果錯誤認為高PE的公司就係估值貴、唔值得投資，未來或錯失投資好機會！
窮小子
https://www.facebook.com/poorguyfans.hk
本欄逢周三刊出
窮小子
投資先機 - 窮小子 舊文
來源 source: http://hk.apple.nextmedia.com
