智取大市：策略越簡單越好
■港股市況玩殘人，但首先切勿做高難度動作，先避免自己玩殘自己。 資料圖片
港股又一次狼來了然後爆升，正如噚日嗰句，維持等調整才決定中長線策略，跌得多又好，回得少又好，都會係機會，未來不悲觀。
指數股當中，滙控（005）、渣打（2888）同港交所（388）已率
先進入嚴重超買階段，所以又係維持原有睇法，調整唔使好耐便出現。短線操作嘅話，一個字，難！你惟有將策略set得越簡單越好，揀股揀得越易操作越好。市況玩殘人啫，但首先切勿做高難度動作，先要避免自己先玩殘自己。
耀才（1428）喺4月11日發佈截至2016年3月底止全年盈喜，其純利達到3.42億元，按年升57%。以上下半年度分割，由於上半年度經歴港股大時代，當時純利有成2.15億元，每股盈利12.68仙；換句話說，下半年度純利1.27億元，按年輕微增長2.4%，但當然會比大時代差得遠。
下半年度業績面數可以話冇增長，但睇真啲，舊年10月到今年3月出現慘淡市況，港股成交係按年下跌咗14.3%，但耀才仍維持純利輕微增長2.4%，證明佢盈利能力持續提升。𠵱家港股成交已經夠慘淡，基數偏低，長遠冇乜下跌空間，耀才嘅盈利似乎相對港股成交，更硬淨得多。
下半年每股盈利7.49仙，粗略地年度化就15仙，市盈率15.7倍，呢個估值買業績幾乎見底嘅證券股，唔算貴。
晉佳
http://facebook.com/advanceguy1
晉佳
智取大市 - 晉佳 舊文
來源 source: http://hk.apple.nextmedia.com
