留歐派遇刺
2016/06/17 09:21:21
網誌分類: 經濟
下周舉行的英國脫歐公投可能會推遲的消息，令股市得到支持。歐洲股市跌幅大幅縮窄，美股亦轉虧為盈，結束連續5日跌勢。杜指收市升93點，收報17733點，漲幅0.5%。
媒體報導，英國「留歐派」議員Jo Cox遇刺身亡，悲劇令
到留歐和退歐的雙方均停止了拉票活動。市場傳言英國脫歐公投可能推遲。
英國警方表示未有證據顯示Jo Cox遇刺與留歐和退歐爭拗有直接關係，或許只是巧合，但睇市場的反應就覺得好有關係，英國富時100指數昨日朝早因為有民調顯示支持脫歐人數大過支持人數而急跌近0.8%，之後逐步向下，午後最低跌超過1.1%，隨著Jo Cox遇刺消息出街，股市猛彈，收市跌幅收窄至0.3%；另外，英磅兌美元匯價更加明顯，即時大幅抽高1.4%至1.42美元。美股表現亦差唔多，由標普500指數由低位反彈近1.5%！逆轉5日以來的跌勢。
ABN證券策略分析師Ryan好誇張咁講，「英國退歐的鬧劇或許會就此畫上句號。Jo Cox挽救了英國，挽救了市場。我們預期市場不會再像之前幾日那麼糟糕了。」
英國脫歐公投，令到市場近日惶惶不可終日。但問題係英國脫歐，對市場，特別係對其他國家例如美國或者香港及內地等亞洲地區，究竟會做成多大傷害？比較今次因為憂慮英國可能脫歐的跌市以及2011年10月4日，2011年華爾街日報頭版說「市場已接近熊市邊緣，美股因為擔心歐洲經濟狀況，已經由4月高位累跌近17%！」回想當時全球投資者驚希臘債務危機爆破。標普500指數實際累跌了19%，係一年多以來的低位。但好多投資者都唔知道股市當日已經觸底。夠膽在當日入市的投資者，在往後的5年內投資大賺近一倍！可見能夠在市場最恐懼的時候入市，好多時候都可以賺到大錢。
當然，我唔係叫大家依家湧去買股票，畢竟歐洲情況對大家而言，唔係咁熟悉，但大家又唔應該怕英國脫歐而沽出手上大部份股票。大家沒必要見到現時的超低息環境，便聯想到2011年的歐債危機，而嚇到腳軟。總體而言，英國脫離歐盟對英國以至歐洲經濟的影響，會否好似以前咁大力衝擊到包括中港兩地的全球金融市場，我覺得唔會係差得過以前。無論如何，插得多會回頭，係不變的道理。
陸羽仁
回應(2) 我想回應
陸羽仁 BLOG 舊文
來源 source: http://blogcity.me
