亮說亮話：
選戰「有劉有高潮」
■葉劉淑儀
我們小時候去玩，有時會跌到一仆一碌腫曬，阿媽見到實鬧到飛起，我們一定話唔緊要，最緊要玩得開心，有瘤有高潮，估唔到這句話在幾十年後，在香港人被一個非常現實小姐唱紅，不過就變成有樓有高潮。老實說，我聽唔到人鬧佢，不過，就有不少女士認為佢唔值，
男士就會話如果有一層2,000呎樓就唔揀佢，原來全香港都咁現實，大都會的特徵之一。
香港選特首，林鄭幾乎收盡天下兵器，我在飛機上寫這篇文章時，知道曾俊華入閘，胡官亦沒有問題，不過就唔多滿意，最唔滿意當然是葉劉，就算可以入閘，都不知道費盡了多少唇舌，又要低聲下氣，好似跪地餵豬乸。我都唔知道點解咁多人鍾意做特首，其實，有樣辦畀大家睇，收場都唔係幾好，最多只是曾經風光過。
根據今期大熱金句「有樓有高潮」，選特首就唔能夠沒有葉劉，否則就會失色不少，如果沒有葉劉，就算其他參選人全部入閘，結果其實早已知道，曾俊華同胡官早已打定輸數，些少高潮都不會出現，但如果葉劉入閘又絕對不同。
結果雖然不會變，不過她見形勢不佳，一定會出聲話班選委偏幫林鄭，論資質，兩人不相伯仲，論管理，兩人受同樣訓練，況且葉劉自問對國家忠誠度比其他參選人高，又夠膽將23條立法，所以葉劉如果能夠入閘，一定高潮秩起，同時應了今年金句，今次是「有劉有高潮」。
湯文亮
mailto:jacinto.tong@gmail.com
本欄逢周二刊出
湯文亮
jacinto.tong@gmail.com
亮說亮話 - 湯文亮 舊文
來源 source: http://hk.apple.nextmedia.com
