智取大市：工業股王道之日
■未來汽車生產將朝著無人駕駛、人工智能及電動車方向發展。 資料圖片
作戰多日，趁調整休息腦袋順便睇清形勢，轉個話題。過去20年，電腦、網絡嘅發展，去幫助人類生活、生產、生財，騰訊（700）因而崛起成為股王。未來20年，係由「人類控制電腦」演變成「電腦控制電腦
」嘅年代，絕對唔會局限喺虛擬、網絡之上，第二時世界將轉向實體發展，由工業用嘅人工智能機器，去生產消費用嘅人工智能機器，就係工業股長遠龐大嘅潛力。
喺呢種發展趨勢之下，有能力開發出顛覆世界嘅人工智能產品，固然係首選。有能力進行大規模高端智能生產高端產品嘅企業，亦能成為贏家，然後，可以配合人工智能產品而供應高端設備、零件嘅企業，都能夠受惠。舜宇（2382）已有VR/AR方案，當然，股價升好多了。
之前曾提到，蘋果生產自駕車，絕非汽車咁簡單，以佢嘅野心，似乎係要發展出一部長期喺室外工作嘅「工人姐姐」，任何物流任務，自動學懂仲要100%效率perfect地完成，成為幫你處理室外大小事務嘅機械人。
汽車嘅想像能夠去到呢一步，相信未來其他汽車生產商亦循呢個方向進發，呢部車，點都係電動車，德昌電機（179）近年攻埋電動車汽車零件，質素猶在，日後加分析。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com
