亮說亮話 - 湯文亮 2018年12月11日
亮說亮話：減價新盤陸續有來 - 湯文亮
觀塘新盤凱滙震撼開價，相信減價樓盤將會陸續有來。 資料圖片 適中字型 較大字型
昨日早上有年輕朋友話入了票買大幅減價的新樓盤，而且減幅達三成，如果唔買就真的是執輸行頭，慘過敗家。其實，年輕人是怕執輸，不過，他可能未有留意，現在雖然有新樓盤大幅減價，但誰人能夠保證其他地產商會不會跟隨，減價的幅度甚至比現在減價的新樓盤更大，選擇更多。所以，現在買了那個新樓盤的人雖然沒有執輸，但行頭同樣是敗家的人，年輕朋友聽完我講之後無曬表情，問應該怎樣做，買或者不買。
年輕朋友又不用擔心，他只不過是入了票，主動權仍然在他手中，去到揀樓的時候才決定買或者不買還未算遲。我的意思是，如果有機會揀到優質單位，就不用猶豫，因為只會買貴，不會買錯。但如果是普通的單位，就唔好浪費首置Quota。
不用擔心執輸，因為減價樓盤將會陸續有來，所以，我估計今次即使地產商大幅劈價三成，但一Q清枱的機會仍然不高。不過，地產商又唔好要求咁高，能夠賣出八成都唔錯，而且只是賣出八成單位，即是樓價仍然不低，對老闆都有一個交代。其實，我最佩服的就是今次第一個劈價賣樓的地產商，他有可能開價太低，即使做到一Q清枱都是敗家。
湯文亮
mailto:jacinto.tong@gmail.com
本欄逢周二刊出
jacinto.tong@gmail.com
亮說亮話 - 湯文亮 舊文
來源 source: http://hk.finance.appledaily.com
