智取大市 - 晉佳 2019年10月30日
【智取大市】資本戰由誰觸發 - 晉佳
近期港股氣氛確實升溫，新經濟股同非新經濟強勢股Loop住炒，估計呢個趨勢能夠行到去明年2月。 資料圖片 適中字型 較大字型
如無意外，下月中美將會簽訂局部貿易協議，與此同時，美國對付中國嘅步伐未有停落嚟，近期開始策劃資本戰。美國參議員盧比奧計劃推動法案禁止養老基金投資中國股票，呢招亦係配合大半年後對中國貨幣操縱國指控滿一年後嘅資本制裁部署。
美國係咪繼貿易戰、科技戰之外，再推動資本戰？目前純粹係兩手準備階段，唔敢肯定會唔會做，對美國嚟講，準備定冇壞。值得留意係明年2月美國大選嘅初選結果，如果對華強硬派嘅民主黨沃倫佔先，即係話對華越強硬對選戰越有利，係咁的話，資本戰機會亦會增加，相信亦會反映喺市場之上，美國大選前半年，市場又多個不明朗因素。
呢個重要因素，就係四中全會，習派同江派能唔能夠喺四中全會定調對港政策？兩派嘅紛爭會唔會傾得掂數？對港股嚟講，派系鬥爭未必有新嘅壞消息，或許係一個唞氣位。
無論外憂定係內患，似乎未來半年，不明朗因素比再之後半年為少。唔睇恒指，近期港股氣氛確實升溫，新經濟股同包括內需、醫藥、物管在內嘅非新經濟強勢股Loop住炒，估計呢個趨勢，能夠見步行步行到去明年2月。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.entertainment.appledaily.com
