智取大市 - 晉佳 2019年10月5日
【智取大市】港股兩大曙光初現 - 晉佳
港股似乎喺低位搵到支持，有機會告別跌浪。 資料圖片 適中字型 較大字型
恒指連續3個交易日低開高收，出現陽燭，可見港股有買需，而指數近6個交易日計埋並冇錄得跌幅，亦都係好兆頭。回顧舊年到現時，恒指出現過5個超過3,000點嘅短期跌浪，跌浪途中甚少出現6個交易日指數計埋冇跌幅，呢種情況往往喺跌浪尾聲或跌浪完成時先出現。以近兩年往績睇，港股似乎喺低位搵到支持，有機會告別跌浪，較差情況係進入上落市，好嘅話有機會進入類似今年首季嘅升浪。
另一個重要嘅訊號係美股弱、港股強，如果港股短期內唔使驚美國負面因素嘅話，風險胃納提高，自然有更多資金入市，令港股進入安全期，呈現易升難跌狀況。
美股弱、港股強，亦係特朗普嘅死穴。回顧舊年12月，孟晚舟案令中美糾紛升級，當時美股跌幅比中港股為大，去到今年1月，美國開始減少對中國施壓，中港股隨即步入中短期升浪，升足一季。
既然港股當中，受政局影響嘅本地概念股只係少數民族，加上政局動盪升級已超過3個月，有足夠時間讓市場消化呢個負面因素，相信非本地概念股已完全price in政局對於投資者情緒嘅影響。港股反彈似係好開始，偏偏現實世界卻如此動盪，唔好意思，投資世界就係咁冷血的了。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.entertainment.appledaily.com
