做show嚟講呢
有香港市民到英國駐港總領事館，抗議英國政府幹涉中國內政，撕毀手上的英國國民海外護照BNO。
想起許多年前，一個廣告公司pitch客的故事。
那時，我是最初級的小薯copywriter，看甚麼都是新奇，話說公司在pitch一個很巨型的銀行大客，Banking/Credit兩
瓣想一pitch雙deal。
大型presentation其實都是一個表演創意、智慧和賣乖的show。話說會議一開始，甚麼開場白都未說，正題未入，我們的領導X公子便不知是從衫袋或是褲袋，掏出他那張超高貴的美國運通信用卡。
剪卡！當場，把信用卡在客戶面前剪了。割席。以示他對新客戶的愛和專一決心。甚麼創意、定位、策略，先不說，剪咗自己張信用卡先，表忠！破釜沉舟。名副其實：Cut card！
客戶梗係開心啦。
會開完，大家議論紛紛：「哇！表演剪卡呀，好似用咗廿年嘅張卡……」多過關心攞唔攞到個大客。然後創作部大佬、X公子老死話：「肯定開會前早已經叫定秘書補領張新卡咖啦！」
親，撕爛咗，可以補領的。唔使撕爛過期護照穿崩啦，專業些好不。
廣告人語 - 畢明 舊文
來源 source: http://www.am730.com.hk
