【魚樂無窮】後市最擔心呢樣 - 唐牛
港股近日表現強勁，不少企業開始發動抽水機，一旦「抽散」咗個市，回落速度可以好驚人，不得不防。 資料圖片
港股一度升近300點，惟後勁不繼，埋單僅升6點，25000大關得而復失，但即市創出近3個月高，骨子裏依然強勢。今浪升勢由舊經濟股帶動，包括本地地產
股、銀行及保險股，好友認為係百花齊放的表現，上望26000點，淡友則覺得係奶力盡出，彈散快出現。單睇個股表現，最強藍燈籠中移動（941）未發力，市況尚算健康。
居安要思危，現階段最令我憂心的，不是港版國安法，也不是疫情復發，更不是中美貿易戰，而是企業抽水潮。近日批股集資的股份越來越多，業務涵蓋範圍亦廣，包括醫療、物管、汽車、內房、教育等，不少更是趁高伸手，需知道市場資金只會越抽越少，一旦「抽散」咗個市，回落速度可以好驚人，這些畫面過往亦屢次出現，不得不防。
講開舊經濟股，昨日炒起的還有本地零售及餐飲股，想追落後的話，不妨留意太興集團（6811）。集團早前預警，首季收益會減少約20%至25%，到6.4億元，但表明已在租務、食材成本等做好節流措施，確保流動資金狀況良好。更重要的是，控股股東陳永安疫情期間密密增持股份，以最高價1.48元計，現價仍有約一成水位，且看能否搭轉順風車。
唐牛
http://fb.com/tongcow88
本欄逢周二、四刊出
魚樂無窮 - 唐牛 舊文
來源 source: http://s.nextmedia.com
