士佳說 - 張士佳 2022年4月26日
【#士佳說 】張士佳：高沽左，現低食及撈
【#士佳說 】張士佳：高沽左，現低食及撈
先前講過見高要沽，最低限度到199xx，尋日在19920左右叫食晒，食晒之後再跌，唔理了，唔會食得盡，stick to the plan，無謂貪。
壞消息一連串星期一人民幣即市再接連尋底貶值，北京朝陽區又出現了新疫情數字，恐要提升防疫管控措施，對經濟供應鏈的情況又再起擔憂。再延續美股道指上周五大跌過千點，加上國際油價都跌得幾深，主要是擔心美國快速加息而引起經濟衰退，影響對石油的需求。咁呢D都估到啦，無乜新意，既然指數一次過補曬3月17日的上升大裂口，discount左係价入邊啦，咁會唔會上海疫情去到一啲新境況呢？我的上海朋友講民生已逐步好轉恢復，想買嘅嘢都容易左買，有啲小區仲開放添，但就冇人出去因為外邊的商店都未開。而家市場擔心蔓延到北京，其實唔使擔心，一定蔓延到架喇，唔係上海嘅事件出現多次囉，都有左經驗，冇咁驚啦。
跌到臨收市我反而有買翻小小股，買咗幾隻，注碼未大。1138算好彩高位有食，尋日又有低位俾買返，尋日都有提，粉絲應該有睇，尋日佢由開市跌到收市，今次買嘅信心有多大？由頭跌到尾，臨尾搏少少，邊敢講有信心啊，淨係得少少勇氣咋，先前有賺嘅，去番低位咪買一買囉，咪用賺咗嘅嚟睇今次囉。
仲有買1668/688/1908，每隻少少，博下彈，有炒番1623，仲有幾隻冒險些的，唔好在公眾粉絲平臺講，錯左大家未必識止蝕，留番同好反應嘅学生群組研習。好在呢個月下來持貨唔多，最重貨的330/2255及37，都在預設的止賺alert出時高位走，（現走剩1/3＃37），跟住又沽期指又估左阿里巴巴#9988，熊証賺倍幾兩倍，跌到咁上下食左半，尋晚Twitter終於賣盤俾Elon Musk，作價440億美元，科技股都反彈，今日番黎食埋9988 D熊証。
士佳說 - 張士佳 舊文
本文作轉載及備份之用 來源 source: http://skycheung.weebly.com
