中環在線：波士頓爆恐襲水哥狂收問候Call - 李華華
■今年波士頓馬拉松發生爆炸事件，圖為賽事開跑一刻。美聯社
波士頓馬拉松終點附近發生連環爆炸，造成百多人傷亡，再次觸發全球對恐怖襲擊?警號，雖然天有不測之風雲，但人間有濃情暖意。
親友關心深受感動
銀行界長跑達人──恒生銀行(011)大公關張樹槐(水哥)，跑遍五大洲全馬賽道，佢噚日大清早七點鐘，就開始收到政商、體育界各方好友?電話、電郵、短訊慰問，總共有成三十幾個咁多，包括遠在加國朋友?關懷，人人擔心佢去?波士頓跑，事實上，佢今年冇參加。
誓圓六大馬拉松夢
難怪呢位鐵人話，對悲劇發生感到難過，但各方好友噓寒問暖，令佢親嘗友情可貴，深受感動。
波士頓馬拉松係全球六大馬拉松之一，唔係有錢就有得跑，要跑過認可馬拉松，按年齡達到賽會標準時間先有資格報名。
水哥憶述，2010年曾參加過呢項殿堂級賽事，氣氛熱鬧，當時沿途有超過50萬人圍觀打氣，佢作為馬拉松跑手，諗起令人興奮?賽事驟變悲劇，感受尤其深刻。
咁今後會否絕緣美國賽道？水哥都好矛盾，世界六大馬拉松，佢仲差芝加哥同東京兩個地方未跑，佢?心願就係跑曬六大馬拉松。照咁講，佢應該仲會飛去美國跑埋芝加哥賽事啦。
世界六大馬拉松之一的倫敦馬拉松本周日舉行，佢祝願賽事能順利舉行，參賽者平平安安，整整齊齊。
李華華
mailto:LiWaWa@AppleDaily.com
上一則: 俄鋁清減庫存恐暫難派息
下一則: 中環在線：拓動漫電玩市場壹動畫攻日 - 李華華
中環在線 - 李華華 舊文
