好淡較勁
2013/11/27 8:53:58
網誌分類: 經濟
蘋果造好，升1.8%至533美元，創近11個月高位，帶動納指在2000年科網股爆破後首次突破4000點大關。杜指及標普500指數走勢與上兩日差唔多：「臨尾香」，在收市前的1個小時，由最高位跳水，收市打回原形，平手離場。杜指收16072點；標普500指數收1803點。
美國10月營建許可數字攀升6.2%，達到103萬幢，創5年多新高。而9月增長為5.2%。房價方面，9月凱斯-希勒(Case-Shiller)美國20個大城市房價指數經季度調節後，較上月增長1%，高於市場預期的0.9%。不過，如果撇除季節性因素，9月大城市房價的較上月只增長0.7%，與市場預期持平，但增幅係今年2月以來最低。20個大城市中，有19個城市增幅較上月有所放緩。
若比較去年同期升幅，則大漲13.3%，係2006年2月以來最高的增長率。其中又以美國西部的房價增長最為強勁，標普/道瓊斯指數委員會的主席布利策(David Blitzer) 甚至形容當地房價急升，已經去到令人憂慮「起泡」的地步。至於推高房價的最大「功臣」，就係來自祖國的富有同胞。
這亦解釋了為什麼美國大部份地區的房地產市場都因為利率上升而有所放緩，唯獨加州依然火爆。一來係當地名校雲集，好多中國人買來給當地留學的子女居住，二來係他們用現金買房，唔受利率高低影響。
美股回軟，主要係受消費者信心指數不及預期影響美國經濟咨商局宣佈，11月消費者信心指數為70.4點，遠差過市場預期萬72.9點，而且係4月以来最低水平。資料顯示，美國人對目前狀況睇法與上唔係相差好遠，只係由72.6點輕微下降至72點，但對未來的信心就明顯變差，由上月的72.2點大跌至69.3點。
經濟咨商局的經濟指標主管弗朗哥(Lynn Franco)表示：「展望未來六個月，消費者表示較擔心未來的就業和收入。」他認為今年底的假期銷售季對零售商來说可能是一個挑戰。美國消費旺季即將展開，據過往經濟，單係12月的零售銷售，已抵得上全年總銷售的四成。在這個搏殺時候話消費信心唔掂，零售商用零售股民唔嚇到腳軟？股市就無運行啦。
不過，美股跌到上日收市位已經止步，未有出血。市場樂觀氣氛仍然高漲也。繼著名「空軍」隊長高調表示投降認錯，話自己已經再唔係淡友後，經濟學家與投資大行亦陸續大力推動樂觀前景。
美國沃頓商學院教授傑瑞米西格爾話，當利率低於8%時，標普500指數的平均市盈率為19%，這意味著目前標普500的公允市場價值超過2000點。即係話標普500指數仍有10%至13%的上升空間。而瑞銀全球首席投資官Alexander Friedman則表示，受惠經濟增長改善和擴張性貨幣政策的支撐，2014年美企盈利預計將增長8%，瑞銀已增持了美股。
有趣的是，瑞银紐交所運作主管Art Cashin接受CNBC訪問時，又唔係表現得咁觀樂。佢有三個最大風險，可能導致美股出軌。第一係歐洲經濟放緩，因為有好多美企在歐洲有唔少的業務，歐洲唔掂肯定會波及美國經濟，第二係地緣政治，例如中東及南中國海局勢依然緊張，唔知幾時又再發作；最後，係正在持續上升的美國利率，美國10年國債息升上2.7厘上方，將趕走一定數量的好友。Monex Capital的分析師則警告，現時市場睇好的聲音已經過分氾濫，正正係市場觸頂的先兆。
陸羽仁
(我不在港，暫停答問，見諒。)
回應(2) 我想回應
陸羽仁 BLOG 舊文
