智取大市：亞太衛星平靚正值博 - 晉佳
■亞太衛星主要業務係買衛星，再租畀下遊用。
人行放水，中資股終於威番一日，H股指數?9日RSI雙底背馳之下，有番個178點?反彈，噚日跑贏番恒指，建行(939)升3%，都唔知幾耐冇試過。風水輪流轉，本欄上個月推介?濠賭股，都出現調整，銀娛(027)噚日逆市跌1.6%。
雖然聯交所資料顯示，銀娛主席呂志和增持67萬股，有好消息撐住今日股價，不過，銀娛、金沙(1928)已經齊齊出現9日RSI三頂背馳，反映升勢一浪弱過一浪，噚日逆市跌，更顯示有腳軟跡象。
消息面方面，臨近農曆新年，隨時又有打擊賭業?反貪腐消息出現。股價又貴?，又可能會有潛在壞消息，呢一刻濠賭股值博率，已經有別於個幾月前，所以筆者建議先行食糊。
資金明顯沽強買弱
除濠賭股外，前排炒起?概念股普遍都要回吐，明顯資金沽強買弱。另外，港匯又轉弱，係近半年?第一次，反映資金可能離開香港，目前趨勢已成，相信資金唔會突然又走返?香港，同時強勢股估值已經相當高，絕對有局部地區性?牛三feel，高處不勝寒。
幾項因素夾埋之下，唔覺唔覺整體港股風險因素已經大增，達到紅色火災危險警告訊號，投資者無論持有濠賭股lead住定係中資股捱價，都有減持需要。
其實?強勢熱門板塊同傳統中資股之間，仍然有唔少具質素二、三線股，股價偏強但未至於濠賭科網手遊咁誇張，未來反而可能係一條出路。
敏華(1999)月中發完盈喜後，前兩日創14.62元?52周新高，然後急回，但噚日又升番3%。冷門?亞太衛星(1045)，噚日突破10元，創16年新高，之前錢荒時股價跌都唔點跌，係實力表現。
亞太衛星主要業務係買?星再租畀下遊用，業務同利潤率偏向穩定，舊年佢用?生產??星基本滿負荷，然後舊年下半年向母公司租用7B?星，估計下半年生意係會多?，但未知會唔會下半年就補得返租?星條數?開支。
創16年新高已無蟹貨
公司亦有訂購新?星，估計2015年9月投產，只要行業需求平平穩穩，長遠收入同盈利預計可以增加。舊年年度化市盈率11倍左右，未來兩年盈利有條件上升，估值合理，再睇埋而家其他個股估值咁貴，11倍市盈率、業務穩定?股份，已經有一定吸引力。
亞太衛星現價係16年新高，所以樓上已無蟹貨可言，估計短線升一成左右唔太困難，現價買上望11.5元。
至於中線持有，要睇大市狀況如何變化，只要冇歐債危機出現，亞太衛星去升到13元都唔太難，坐住且戰且走亦得，明顯跌破9元上升軌就要止蝕。
晉佳
本欄逢周三刊登
上一則: 中環迷你裙：最抵買的彩票股 - Samantha
下一則: 魚樂無窮：尋找下隻超人概念股 - 唐牛
智取大市 - 晉佳 舊文
