中環在線：央企高層興玩音樂椅國航舵手快換人 - 李華華
央企每隔幾年就有高層執位，新近聽聞跟國泰航空(293)有互控關係?中國國航(753)就快有高層執位，總裁蔡劍江有機會升做董事長，暫時未知邊位接佢𠵱家個位。國航、東航(670)同南航(1055)2008年試過兜亂高層，唔知國航今次高層調動會否引發內地三大航空公司新一輪音樂椅呢？
總裁將從缺
國航董事長王昌順前年坐呢個位之前，曾經?南航同民航總局任職，據聞，佢將會調去交通運輸部做高官，董事局有意升50歲?總裁蔡劍江做董事長。仲記得2006年國泰同國航密斟，買曬港龍航空，蔡劍江當年?角色都幾吃重，如果真係做埋董事長或者有助加強兩間公司?合作喎。
至於蔡劍江𠵱家總裁個位，就未定邊位接。2008年三大內地航空公司都有高層玩音樂椅，當年主要係東航重組，南航董事長劉紹勇調去做東航董事長，國航母公司副總經理馬須倫調做東航總經理，今次?另一個航空公司搵人做國航總裁都未定。
事實上，唔同行業?央企不時出現高層互換，最經典係十年前中移動(941)董事長王曉初調任中電信(728)董事長，聯通(762)董事長王建宙調做中移動董事長。
近些少，幾乎係中海油(883)標記?董事長傅成玉就?2011年調做中石化(386)董事長，由中石油(857)母公司副總經理王宜林接佢個位。
李華華
mailto:LiWaWa@AppleDaily.com
上一則: 樂香園：大戶散戶買新股愛偏門 - 密西比
下一則: 中環在線：鍾情藍灣半島張曼玉傳買第五間 - 李華華
中環在線 - 李華華 舊文
